Kiny
Eng
Fr
Trump yashinje Uburusiya, Ubushinwa na Korea ya Ruguru kwibasira Amerika
Uwajeneza Donatha
Sep 3, 2025 - 11:51
Donald Trump yavuze ko Xi Jinping ari kumwe na Vladimir Poutine na Kim Jong-un mu mugambi wo kwibasira Amerika, ariko ibiro bya Perezida Putin biravuga ko ibyo ari urwenya gusa. Nimugihe I Beijing, u Bushinwa bwizihiza imyaka 80 ishize Ubushinwa butsinze Ubuyapani mu Ntambara ya kabiri y’Isi, bwerekana ubushobozi bwa gisirikare budasanzwe.
kwamamaza
Kremlin yavuze ko amagambo ya Donald Trump ari urwenya. Iouri Ouchakov, umujyanama wa dipolomasi wa Vladimir Poutine, yagize ati: «Ntekereza ko nta muntu n'umwe muri aba batatu wagize uwo mugambi cyangwa ngo ategure ikintu icyo ari cyo cyose."
Yavuze aba bakuru b'igihugu basanzwe bafite ibyo bakorera hamwe.
Trump yashinje aba baperezida guhuriza hamwe mu mugambi wo kwibasira Amerika mugihe bahuriye i Beijing mu gikorwa cya gisirikare gikomeye, aho Ubushinwa bwerekanye intwaro zabwo zirimo izitari zizwi kuva muri 2020.
Ni igikorwa cyitabiriwe n'abakuru b'igihugu 27 barimo Putin w'Uburusiya na Kim Jong-un wa Korea ya Ruguru ndetse na Perezida wa Slovakia Robert Fico, umwe rukumbi wavuye ku mugabane w'Uburayi.
Ubushinwa bwerekanye abasirikare 100,000 n’ibikoresho birimo indege zigezweho J-20, drone nyinshi, misile balistique zambukiranya imigabane, n’ubwato bwa gisirikare bwa Fujian bushobora kugwaho indege z'intambara. Hanerekanywe kandi misile yiswe Ying Ji ishobora gusenya ubwato bw'intambara bwa Amerika buri hafi ya Taiwan. Ibi byafashwe nk' ubutumwa butaziguye kuri Washington n’ibihugu by'inshuti zayo zo ku mugabane w'Uburayi.
Ku rundi ruhande, abayobozi b’Uburayi, usibye Robert Fico wa Slovakia, ntibitabiriye akarasisi ka gisirikare, kubera kwirinda kugaragara hafi ya Poutine. Antonio Costa na Ursula von der Leyen baherutse kugaragaza ko inganda nyinshi zo mu Bushinwa nabwo nk'igihugu butera inkunga Poutine, harimo gutanga ibikoresho bishobora gukoreshwa mu ntambara.
@rfi
kwamamaza