Kiny
Eng
Fr
DJ Toxxyk yafunzwe azira kugonga umupolisi akitaba Imana
Gisubizo Philemon
Dec 21, 2025 - 13:59
Polisi y'u Rwanda yatangaje ko yafunze Arnaud Shema uzwi nka DJ Toxxyk, aho akurikiranweho kugonga umupolisi ushinzwe umutekano wo mu muhanda akitaba Imana.
kwamamaza
Ibi byabaye ku wa Gatandatu mu masaha ya saa kumi n'imwe n'igice za mugitondo, ahazwi nka Peyaje mu Mujyi wa Kigali.
Umuvugizi wa Polisi, ACP Boniface Rutikanga, yatangaje ko impanuka ikiba, DJ Toxxyk yahise ava mu modoka, ahita atoroka, aza gufatirwa mu Karere ka Karongi ku gicamunsi cyo kuri uwo munsi. Kuri ubu akaba afungiwe kuri Sitasiyo ya Polisi ya Remera.
ACP Rutikanga yasabye abakoresha umuhanda guhora bazirikana amategeko agenga imikoreshereze y'umuhanda.
kwamamaza