Ni iki ibihugu bikiri munzira y'iterambere byiteze mu nteko rusange ya UN ?

Ni iki ibihugu bikiri munzira y'iterambere byiteze mu nteko rusange ya UN ?

I new York muri Leta zunze ubumwe z’Amerika ku cyicaro gikuru cy’umuryango w’abibumbye ku Isi (ONU) ku nshuro ya 78 hateraniye inteko rusange y’uyu muryango aho iri kwiga ku ntego z’iterambere rirambye z’ikinyagihumbi.

kwamamaza

 

Umunsi wa kabiri w’icyumweru cya Gatatu cy’ukwezi kwa Cyenda wabaye umunsi ngarukamwaka, abayobozi b'ibihugu by’isi bateranira mu mujyi wa New York muri Amerika ku cyicaro gikuru cy’umuryango w’abibumbye ONU.

Abayobozi baganira ku bibazo bitandukanye byugarije ibihugu byabo n’ibireba abaturage bayobora muri rusange. Aba bayobozi b’ibihugu bikize n’ibikennye bajya impaka kandi ku bibazo bikomeye byugarije Isi.

Mu byibandwaho uyu mwaka, harimo ikibazo gihangayikishije Isi cy’imihindagurikire y’ikirere, intego z’iterambere rirambye rizwi nka Sustainable Development Goals, ndetse n’ikibazo cy’umutekano.

António Manuel de Oliveira Guterres, Umunyamabanga mukuru w'umuryango w'abibumbye, atangiza iyi nama yagize ati "mu myaka 8 ishize, ibihugu binyamuryango byari hamwe mu gutoranya intego ngenderwaho z’iterambere rirambye, mu ndebakure y’Isi, ni nk’abana 193 bateruye itara ry’ubururu ry’icyizere, mwashyizeho isezerano ntakuka, isezerano ryo kubaka Isi ifite ubuzima buzira umuze, kandi bikaba amahirwe kuri bose, isezerano ritagomba gusiga n’umwe inyuma".

Yakomeje agira ati "Ni isezerano ryo kubakiraho, iryo ntago ari isezerano rigomba gushyirwa mu bikorwa cyangwa ngo rigere kuri aba badipolomate bari muri iki cyumba ahubwo ni isezerano ku baturage bose".

Tedy Kaberuka impuguke mu by’ubukungu avuga ko ariho ibyo bihugu cyane ibiri mu nzira y’iterambere bikwiye kugira byinshi byungukira muri iyi nama bivuye mu kugaragaza ibitekerezo byabyo mu bikibibangamiye.

Yagize ati "iriya nama ni ihuriro ibihugu bihuriraho nta mwanzuro bafata ngo batore ikintu runaka kubera ko hari izindi nzego zitorerwamo imyanzuro ariko ni ahantu ibihugu bishobora kuvana ibitekerezo, igihugu kikaba cyamenya ibiriho biba ahandi, ibihugu bigomba no kugaragariza ibibazo bihuriyeho n'ibindi........ ni byiza ko ibihugu bikennye bigaragaza ibibazo bifite bikagaragaza ingaruka noneho bakavuga bati turatekereza ko icyafasha ibi bihugu byacu ni imyanzuro runaka, bakagaragaza ibitekerezo byabo".

Iyi nteko ya 78 ihuriramo abayobozi bagera ku 193, igereranywa kandi nk’inteko nshingamategeko y’Isi aho buri gihugu kiba gihagarariwe. Impamvu Isi yose iba ihanze amaso mu kwezi kwa cyenda, ni uko buri muyobozi w’igihugu witabiriye iyi nteko ahabwa byibuze umwanya w’iminota 15 wo kuvuga ijambo rye.

Uretse abayobozi b’ibihugu kandi hari ibindi bibazo byinshi biba biganirwa ku rundi ruhande. Aba barimo abaturuka muri sosiyete sivile, urubyiruko, ibyamamare, abahanga mu bintu bitandukanye, impirimbanyi ziharanira ibintu bitandukanye harimo uburenganzira bwa muntu, n’ibidukikije, kandi amajwi yabo bose arumvwa.

Inkuru ya Berwa Gakuba Prudence / Isango Star Kigali

 

kwamamaza

Ni iki ibihugu bikiri munzira y'iterambere byiteze mu nteko rusange ya UN ?

Ni iki ibihugu bikiri munzira y'iterambere byiteze mu nteko rusange ya UN ?

 Sep 20, 2023 - 13:32

I new York muri Leta zunze ubumwe z’Amerika ku cyicaro gikuru cy’umuryango w’abibumbye ku Isi (ONU) ku nshuro ya 78 hateraniye inteko rusange y’uyu muryango aho iri kwiga ku ntego z’iterambere rirambye z’ikinyagihumbi.

kwamamaza

Umunsi wa kabiri w’icyumweru cya Gatatu cy’ukwezi kwa Cyenda wabaye umunsi ngarukamwaka, abayobozi b'ibihugu by’isi bateranira mu mujyi wa New York muri Amerika ku cyicaro gikuru cy’umuryango w’abibumbye ONU.

Abayobozi baganira ku bibazo bitandukanye byugarije ibihugu byabo n’ibireba abaturage bayobora muri rusange. Aba bayobozi b’ibihugu bikize n’ibikennye bajya impaka kandi ku bibazo bikomeye byugarije Isi.

Mu byibandwaho uyu mwaka, harimo ikibazo gihangayikishije Isi cy’imihindagurikire y’ikirere, intego z’iterambere rirambye rizwi nka Sustainable Development Goals, ndetse n’ikibazo cy’umutekano.

António Manuel de Oliveira Guterres, Umunyamabanga mukuru w'umuryango w'abibumbye, atangiza iyi nama yagize ati "mu myaka 8 ishize, ibihugu binyamuryango byari hamwe mu gutoranya intego ngenderwaho z’iterambere rirambye, mu ndebakure y’Isi, ni nk’abana 193 bateruye itara ry’ubururu ry’icyizere, mwashyizeho isezerano ntakuka, isezerano ryo kubaka Isi ifite ubuzima buzira umuze, kandi bikaba amahirwe kuri bose, isezerano ritagomba gusiga n’umwe inyuma".

Yakomeje agira ati "Ni isezerano ryo kubakiraho, iryo ntago ari isezerano rigomba gushyirwa mu bikorwa cyangwa ngo rigere kuri aba badipolomate bari muri iki cyumba ahubwo ni isezerano ku baturage bose".

Tedy Kaberuka impuguke mu by’ubukungu avuga ko ariho ibyo bihugu cyane ibiri mu nzira y’iterambere bikwiye kugira byinshi byungukira muri iyi nama bivuye mu kugaragaza ibitekerezo byabyo mu bikibibangamiye.

Yagize ati "iriya nama ni ihuriro ibihugu bihuriraho nta mwanzuro bafata ngo batore ikintu runaka kubera ko hari izindi nzego zitorerwamo imyanzuro ariko ni ahantu ibihugu bishobora kuvana ibitekerezo, igihugu kikaba cyamenya ibiriho biba ahandi, ibihugu bigomba no kugaragariza ibibazo bihuriyeho n'ibindi........ ni byiza ko ibihugu bikennye bigaragaza ibibazo bifite bikagaragaza ingaruka noneho bakavuga bati turatekereza ko icyafasha ibi bihugu byacu ni imyanzuro runaka, bakagaragaza ibitekerezo byabo".

Iyi nteko ya 78 ihuriramo abayobozi bagera ku 193, igereranywa kandi nk’inteko nshingamategeko y’Isi aho buri gihugu kiba gihagarariwe. Impamvu Isi yose iba ihanze amaso mu kwezi kwa cyenda, ni uko buri muyobozi w’igihugu witabiriye iyi nteko ahabwa byibuze umwanya w’iminota 15 wo kuvuga ijambo rye.

Uretse abayobozi b’ibihugu kandi hari ibindi bibazo byinshi biba biganirwa ku rundi ruhande. Aba barimo abaturuka muri sosiyete sivile, urubyiruko, ibyamamare, abahanga mu bintu bitandukanye, impirimbanyi ziharanira ibintu bitandukanye harimo uburenganzira bwa muntu, n’ibidukikije, kandi amajwi yabo bose arumvwa.

Inkuru ya Berwa Gakuba Prudence / Isango Star Kigali

kwamamaza