Kiny
Eng
Fr
Netanyahu ku gitutu gikomeye: Imiryango y’abakiri imbohe, abanya-politiki n’amahanga bamuhagurukiye
Uwajeneza Donatha
Aug 11, 2025 - 12:17
Umuryango w’Abibumbye (ONU) wihanangirije Israel ku mugambi mushya wa gisirikare muri Gaza, ivuga ko ushobora guteza ibibazo bishingiye ku bwicanyi, gusenya no kwimura ku ngufu abaturage. Nimugihe uyu mugambi washyize Netanyahu Benyamin ku gitutu gikomeye mu buryo butandukanye.
kwamamaza
Uyu mugambi wemejwe n’Inama y’Abaminisitiri ku Cyumweru, ugamije gufata ibice bya Gaza byuzuyemo abaturage, ndetse Minisitiri w’Intebe Benjamin Netanyahu awusobanura nk'uburyo rukumbi bushobora “kurandura umutwe wa Hamas.”
Nubwo bimeze bityo, abantu babifashe mu buryo butandukanye. Imbere mu gihugu, Netanyahu ari ku gitutu gikaze. Imiryango y’Abayahudi bafashwe bugwate na Hamas ku wa 7 Ukwakira (10) 2023 iramushinja kubatamba nk'igitambo. Ivuga ko iyi ntambara nshya ari nk'urubanza rwo kubica kuko ishyira ubuzima bwabo mu kaga.
Yasabye abaturage gukora imyigaragambyo ikomeye ku Cyumweru gitaha, mu rwego rwo guhagarika ubukungu bw’igihugu. Iyi miryango ishyigikiwe n’abanyapolitiki batavuga rumwe na guverinoma ya Netanyahu, barimo Yair Lapid na Yair Golan. Lapid yise uyu mugambi " amahano akomeye" ashobora gusenya igihugu mu buryo bukomeye.
Ku rundi ruhande, Netanyahu anokejwe igitutu gukomeye n’abo mu ishyaka rye rya politiki yo ku ruhande rw’iburyo. Abaminisitiri barimo Bezalel Smotrich na Itamar Ben-Gvir bari kumushinja kutagendera ku ntego yo gufata Gaza yose no kuyirukamo abaturage b’Abapalestina.
Smotrich; Minisitiri w'imari, yavuze ko “ Minisitiri w’Intebe na Cabinet babaye abanyantege nke,” mu gihe Ben-Gvir; Minisitiri w’Umutekano w'imbere mu gihugu, ashimangira ibyo gufata Gaza yose, kuyimuramo Abapalestina no kuyikoroniza.
Ku rwego mpuzamahanga, Netanyahu naho ntiyorohewe namba kuko Israël ikomeje gufatirwa ibyemezo bikakaye.
Australiya yiyunze ku bihugu nyamaze gutangaza ko bizemera Leta ya Palestina muri Nzeri (09), mu gihe u Budage bwahagaritse kohereza muri Israël zimwe mubnwaroo. Mu mpera za Nyakanga (07), Australiya n’ibindi bihugu 14 byo mu Burengerazuba bw’Isi birimo u Bufaransa na Canada byatangaje ko mu nama ya ONU bizemeza Leta ya Palestina nk'igihugu. Kugeza ubu, ¾ by’ibihugu bigize ONU bimaze kuyemera.
Nubwo atorohewe n'abayahudi ndetse n'Amahanga, Netanyahu yagiranye ikiganiro kuri telephone na Donald Trump ku Cyumweru nimugoroba, ashimangira inkunga ye.
Amerika ishinja ibihugu gutiza umurindi iyi ntambara isa n'itagira iherezo, bikwirakwiza ibiyoma kuri Israël.
Intumwa ya Amerika muri ONU, Dorothy Shea yavuze ko Israel ifite uburenganzira bwo kugena ibikwiriye mu kurinda umutekano wayo no n'uburyo bukwiriye bwashyira iherezo ku ntambara yashojwe n'umutwe wa Hamas.
kwamamaza