Kuba ibitaro n’amavuriro bifite ibyumba bito by'ababyeyi bigira ingaruka mbi ku barwaza n’ababyeyi

Kuba ibitaro n’amavuriro bifite ibyumba bito by'ababyeyi bigira ingaruka mbi ku barwaza n’ababyeyi

Abaturage bo hirya no hino mu gihugu bavuga ko kuba ibitaro n’amavuriro begerejwe bifite ibyumba bito by’ababyeyi, bigira ingaruka mbi ku barwaza n’ababyeyi ku buryo hari abaza kurwaza, bakarazwa hanze bikabaviramo kurwara nabo.

kwamamaza

 

Ibitaro bya Kibagabaga byubatswe mu karere ka Gasabo mu mujyi wa Kigali, ni bimwe mu byubatswe kubufatanye n’Ububiligi, binyuze muri Enabel, ubuto bw’inzu y'ababyeyi y’ibi bitaro bigira ingaruka ku barwayi n’abarwaza kuburyo hari n'abarazwa hanze bugacya nabo barwaye.

Umwe ati "abarwaza bo bajya hanze, akenshi tuba tubakeneye ariko hari igihe abaganga babasohora hanze ukumva ni ikibazo cyane".

Undi ati "abantu benshi iyo tuvuye hano kurwaza usanga natwe ubwacu turwara kuko iyo urara hanze ukaryama ku isima imbeho ikwishe ushobora no kurwara umusonga cyangwa malariya kubera imibu". 

Ibyifuzo byabo nuko ibi bitaro byakagurwa bakanongera na serivise bahabwa.

Undi akomeza agira ati "icyifuzo cyacu nuko batwubakira n'ahantu abarwaza baba bari bibaye byiza kurushaho wajya uba uri hafi y'umurwayi wawe aho kugirango agire ikibazo uve iyo uri uze wirukanka".  

Dr. Francois Cyiza ushinzwe gahunda y’ubuzima bw’umwana n’umubyeyi mu kigo cy’igihugu cy’ubuzima RBC, avuga ko hari inzu y'ababyeyi nini kandi ijyanye n’igihe iri kubakwa kuri ibi bitaro bya Kibagabaga kubufanye n’ikigo gishinzwe iterambere cy’Ububiligi Enabel, byitezwe ko izakemura ibi bibazo byose, ije yiyongera kuzindi zubatswe hirya no hino mu gihugu.

Ati "hari ibikorwaremezo bigiye bitandukana, hari ibyubatswe bundi bushya amavuriro yubakwa, hari ibigo bigendanye no gutanga serivise ku rubyiruko haba mu mavuriro ndetse no mu turere, hari ibitaro bikirimo kubakwa bya Kibagabaga, hari serivise zita ku bana ndetse n'ababyeyi zagiye zirushaho kubakirwa inyubako mu turere 7 tugiye dutandukanye".       

Mu karere ka Rulindo mu majyaruguru y’igihugu, ni hamwe mu turere twubatswemo inzu y'ababyeyi, ikaba yaruzuye itwaye agera kuri miliyoni 106, aho abahabyariraga mbere bavuga ko nabo bari babangamiwe n'ubucucike.

Bishimangirwa n’umuyobozi w’iki kigo nderabuzima cya Cyiyanza, Mutuyimana Mediatrice, avuga ko kubakirwa iyi nzu byashyize iki kigo nderabuzima kurundi rwego.

Ati "itandukaniro rihari nuko hari ahantu hisanzuye, ni inzu y'ababyeyi nziza ifite ibyumba bitandukanye kuburyo umubyeyi aza ukamushyira muri serivise akeneye".  

Mu turere turindwi mu gihugu, hubatswe inzu z’ababyeyi 34 kubufanye bwa Leta y’u Rwanda n’Ububiligi binyuze mukigo cy’Ububiligi gishinzwe iterambere Enabel babinyujije mu mushinga wiswe "Barame".

Byatanze umusaruro urimo kurinda ababyeyi kubyarira mungo, kugabanya impfu z’abana n’ababyeyi n'ibindi.

Inkuru ya Emmanuel Bizimana / Isango star

 

kwamamaza

Kuba ibitaro n’amavuriro bifite ibyumba bito by'ababyeyi bigira ingaruka mbi ku barwaza n’ababyeyi

Kuba ibitaro n’amavuriro bifite ibyumba bito by'ababyeyi bigira ingaruka mbi ku barwaza n’ababyeyi

 May 14, 2024 - 08:44

Abaturage bo hirya no hino mu gihugu bavuga ko kuba ibitaro n’amavuriro begerejwe bifite ibyumba bito by’ababyeyi, bigira ingaruka mbi ku barwaza n’ababyeyi ku buryo hari abaza kurwaza, bakarazwa hanze bikabaviramo kurwara nabo.

kwamamaza

Ibitaro bya Kibagabaga byubatswe mu karere ka Gasabo mu mujyi wa Kigali, ni bimwe mu byubatswe kubufatanye n’Ububiligi, binyuze muri Enabel, ubuto bw’inzu y'ababyeyi y’ibi bitaro bigira ingaruka ku barwayi n’abarwaza kuburyo hari n'abarazwa hanze bugacya nabo barwaye.

Umwe ati "abarwaza bo bajya hanze, akenshi tuba tubakeneye ariko hari igihe abaganga babasohora hanze ukumva ni ikibazo cyane".

Undi ati "abantu benshi iyo tuvuye hano kurwaza usanga natwe ubwacu turwara kuko iyo urara hanze ukaryama ku isima imbeho ikwishe ushobora no kurwara umusonga cyangwa malariya kubera imibu". 

Ibyifuzo byabo nuko ibi bitaro byakagurwa bakanongera na serivise bahabwa.

Undi akomeza agira ati "icyifuzo cyacu nuko batwubakira n'ahantu abarwaza baba bari bibaye byiza kurushaho wajya uba uri hafi y'umurwayi wawe aho kugirango agire ikibazo uve iyo uri uze wirukanka".  

Dr. Francois Cyiza ushinzwe gahunda y’ubuzima bw’umwana n’umubyeyi mu kigo cy’igihugu cy’ubuzima RBC, avuga ko hari inzu y'ababyeyi nini kandi ijyanye n’igihe iri kubakwa kuri ibi bitaro bya Kibagabaga kubufanye n’ikigo gishinzwe iterambere cy’Ububiligi Enabel, byitezwe ko izakemura ibi bibazo byose, ije yiyongera kuzindi zubatswe hirya no hino mu gihugu.

Ati "hari ibikorwaremezo bigiye bitandukana, hari ibyubatswe bundi bushya amavuriro yubakwa, hari ibigo bigendanye no gutanga serivise ku rubyiruko haba mu mavuriro ndetse no mu turere, hari ibitaro bikirimo kubakwa bya Kibagabaga, hari serivise zita ku bana ndetse n'ababyeyi zagiye zirushaho kubakirwa inyubako mu turere 7 tugiye dutandukanye".       

Mu karere ka Rulindo mu majyaruguru y’igihugu, ni hamwe mu turere twubatswemo inzu y'ababyeyi, ikaba yaruzuye itwaye agera kuri miliyoni 106, aho abahabyariraga mbere bavuga ko nabo bari babangamiwe n'ubucucike.

Bishimangirwa n’umuyobozi w’iki kigo nderabuzima cya Cyiyanza, Mutuyimana Mediatrice, avuga ko kubakirwa iyi nzu byashyize iki kigo nderabuzima kurundi rwego.

Ati "itandukaniro rihari nuko hari ahantu hisanzuye, ni inzu y'ababyeyi nziza ifite ibyumba bitandukanye kuburyo umubyeyi aza ukamushyira muri serivise akeneye".  

Mu turere turindwi mu gihugu, hubatswe inzu z’ababyeyi 34 kubufanye bwa Leta y’u Rwanda n’Ububiligi binyuze mukigo cy’Ububiligi gishinzwe iterambere Enabel babinyujije mu mushinga wiswe "Barame".

Byatanze umusaruro urimo kurinda ababyeyi kubyarira mungo, kugabanya impfu z’abana n’ababyeyi n'ibindi.

Inkuru ya Emmanuel Bizimana / Isango star

kwamamaza