Nyanza: Hashyizweho urubuga rufasha urubyiruko rutinya kujya gusaba serivise z'ubuzima bw'imyororokere

Nyanza: Hashyizweho urubuga rufasha urubyiruko rutinya kujya gusaba serivise z'ubuzima bw'imyororokere

Ubuyobozi bw'aka karere buravuga ko nyuma y'aho bigaragariye ko urubyiruko rutinya kujya gusaba serivisi zijyanye n'ubuzima bw'imyororokere, mu bufatanyije n'abafatanyabikorwa bako, hashyizweho urubuga rw'ikoranabuhanga rukuraho imbogamizi urubyiruko rwagiraga. Urubyiruko ruvuga ko rwabyakiriye neza kuko ngo rwagiraga Isoni mu kujya gusaba izi serivisi.

kwamamaza

 

Rumwe mu rubyiruko rw'abasore n'inkumi barimo abiga mu mashuri yisumbuye, bavuga ko serivisi z'ubuzima bw'imyororokere ari kimwe mu bibagora kuzibona kuko bagira isoni zo kujya kuzisaba.

Bavuga ko n'uwishyizemo akanyabugabo akajya muri farumasi cyangwa ku kigo nderabuzima nko gushaka agakingirizo cyangwa ikinini kirinda gusama, amakuru amusanga aho atuye.

Icyakora, muri aka karere ka Nyanza hashyizweho urubuga [website] iriho amakuru, ibibazo n'ibisubizo urubyiruko rwibaza ku buzima bw'imyororokere.

www.cyberRwanda.com niyo iri gufasha mukuruha amakuru, ndetse ikanarumenyekanishwa mu bigo by'amashuri binyuze mu mikino n'imyidagaduro.

Umwe mu rubyiruko babwiye Isango Star ko " hari igihe nk'umukobwa bitewe na sosiyete abayemo agira ubwoba bwi kuba yajya gufata ako gakingirizokwa muganga. Akaba yagira isoni, avuga ati ese urambona njya kugatora arakeka iki?! Kandi bitewe na sosiyete ubamo, hari igihe uba ufite idini; reka mfate nk'umurokore...akaba yavuga ngo uriya mukobwa wo kwa runaka w'umurokore yaje gufata agakingirizo!"

Yongeraho ko" kubera ko iyo website umyaje kudufasha, ni ukuri twungukiyemo inama zikomeye cyane."

Undi mukobwa yagize ati:" njyewe ku giti cyanjye ...byamfashije kwitinyuka kuko nk'urwo rubuga ni ukwandika, atari ukuvuga ngo ugiye muri farumasi. Umuntu iramubwiye, uko wagenda ubivuga si kimwe nuko wabyandika. Ibijyanye n'imyororokere, wenda njyewe simbisobanukiwe cyane ariko ubwo bazanye nk'iyo website ,ubu ngiye kujya njyaho nuko menye ibitandukanye bijyanye n'imyororokere."

Umwe mu bayobozi bu'uru rubuga witwa NGAMIJE Fabiola, avuga ko rwashyizweho rugamije kuvugurura no gufasha abatanga serivisi z'imyororokere ndetse n'abazisaba cyane cyane urubyiruko.

Yemeza ko biri gutanga umusaruro, ati:" kuvugurura imikorere y'abatanga serivise z'ubuzima kugira ngo babashe gutanga serivise zinogeye urubyiruko. Mujya mwumva ko urubyiruko rutinya kujya kwa muganga cyangwa kugana abatanga serivise z'ubuzima muri farumasi, ibigo nderabuzjma, cyangwa mu bindi bigo. Ariko icyo twaje ...ni ukugira ngo duhe amahugurwa abo batanga serivise bakamenya neza ko ikigero bayitanzego iyo batanga sarivise z'ubuzima , kugira ngo urubyiruko ruzabone iyo serivise kandi ruyibone mu ibanga."

Yongeraho ko" icyuho kirahari ariko kigenda kigabanuka. Ubona aho twatangiye gutanga amahugurwa, hari impinduka cyane mu myumvire."

Ubu buryo bw'ikoranabuhanga bwo gufasha urubyiruko kubona izi serivise, bwitezweho kugabanya umubare w'abana b'abakobwa batwara inda imburagihe, kugabanya ubwandu bushya bwa virusi itera SIDA.

Iruhande rw'ibi ariko, urubyiruko n'abandi bose bakeneye izi servisi z'ubuzima bagirwa inama yo gukoresha uru rubuga, kuko rushobora no gusabirwaho nk'agakingirizo, ikinini kirinda gusama, kuboneza urubyaro ndetse n'ibindi....

Ubu buryo kandi bunagaragaza urutonde rwa farumasi ikwegereye ku buryo ujya hafi yayo, ugahamagara numero y'umuganga urubuga rwaguhaye, akakuzanira ibyo wasabiye ku rubuga mu ibanga.

@RUKUNDO Emmanuel/ Isango Star - Nyanza.

 

kwamamaza

Nyanza: Hashyizweho urubuga rufasha urubyiruko rutinya kujya gusaba serivise z'ubuzima bw'imyororokere

Nyanza: Hashyizweho urubuga rufasha urubyiruko rutinya kujya gusaba serivise z'ubuzima bw'imyororokere

 May 15, 2024 - 12:28

Ubuyobozi bw'aka karere buravuga ko nyuma y'aho bigaragariye ko urubyiruko rutinya kujya gusaba serivisi zijyanye n'ubuzima bw'imyororokere, mu bufatanyije n'abafatanyabikorwa bako, hashyizweho urubuga rw'ikoranabuhanga rukuraho imbogamizi urubyiruko rwagiraga. Urubyiruko ruvuga ko rwabyakiriye neza kuko ngo rwagiraga Isoni mu kujya gusaba izi serivisi.

kwamamaza

Rumwe mu rubyiruko rw'abasore n'inkumi barimo abiga mu mashuri yisumbuye, bavuga ko serivisi z'ubuzima bw'imyororokere ari kimwe mu bibagora kuzibona kuko bagira isoni zo kujya kuzisaba.

Bavuga ko n'uwishyizemo akanyabugabo akajya muri farumasi cyangwa ku kigo nderabuzima nko gushaka agakingirizo cyangwa ikinini kirinda gusama, amakuru amusanga aho atuye.

Icyakora, muri aka karere ka Nyanza hashyizweho urubuga [website] iriho amakuru, ibibazo n'ibisubizo urubyiruko rwibaza ku buzima bw'imyororokere.

www.cyberRwanda.com niyo iri gufasha mukuruha amakuru, ndetse ikanarumenyekanishwa mu bigo by'amashuri binyuze mu mikino n'imyidagaduro.

Umwe mu rubyiruko babwiye Isango Star ko " hari igihe nk'umukobwa bitewe na sosiyete abayemo agira ubwoba bwi kuba yajya gufata ako gakingirizokwa muganga. Akaba yagira isoni, avuga ati ese urambona njya kugatora arakeka iki?! Kandi bitewe na sosiyete ubamo, hari igihe uba ufite idini; reka mfate nk'umurokore...akaba yavuga ngo uriya mukobwa wo kwa runaka w'umurokore yaje gufata agakingirizo!"

Yongeraho ko" kubera ko iyo website umyaje kudufasha, ni ukuri twungukiyemo inama zikomeye cyane."

Undi mukobwa yagize ati:" njyewe ku giti cyanjye ...byamfashije kwitinyuka kuko nk'urwo rubuga ni ukwandika, atari ukuvuga ngo ugiye muri farumasi. Umuntu iramubwiye, uko wagenda ubivuga si kimwe nuko wabyandika. Ibijyanye n'imyororokere, wenda njyewe simbisobanukiwe cyane ariko ubwo bazanye nk'iyo website ,ubu ngiye kujya njyaho nuko menye ibitandukanye bijyanye n'imyororokere."

Umwe mu bayobozi bu'uru rubuga witwa NGAMIJE Fabiola, avuga ko rwashyizweho rugamije kuvugurura no gufasha abatanga serivisi z'imyororokere ndetse n'abazisaba cyane cyane urubyiruko.

Yemeza ko biri gutanga umusaruro, ati:" kuvugurura imikorere y'abatanga serivise z'ubuzima kugira ngo babashe gutanga serivise zinogeye urubyiruko. Mujya mwumva ko urubyiruko rutinya kujya kwa muganga cyangwa kugana abatanga serivise z'ubuzima muri farumasi, ibigo nderabuzjma, cyangwa mu bindi bigo. Ariko icyo twaje ...ni ukugira ngo duhe amahugurwa abo batanga serivise bakamenya neza ko ikigero bayitanzego iyo batanga sarivise z'ubuzima , kugira ngo urubyiruko ruzabone iyo serivise kandi ruyibone mu ibanga."

Yongeraho ko" icyuho kirahari ariko kigenda kigabanuka. Ubona aho twatangiye gutanga amahugurwa, hari impinduka cyane mu myumvire."

Ubu buryo bw'ikoranabuhanga bwo gufasha urubyiruko kubona izi serivise, bwitezweho kugabanya umubare w'abana b'abakobwa batwara inda imburagihe, kugabanya ubwandu bushya bwa virusi itera SIDA.

Iruhande rw'ibi ariko, urubyiruko n'abandi bose bakeneye izi servisi z'ubuzima bagirwa inama yo gukoresha uru rubuga, kuko rushobora no gusabirwaho nk'agakingirizo, ikinini kirinda gusama, kuboneza urubyaro ndetse n'ibindi....

Ubu buryo kandi bunagaragaza urutonde rwa farumasi ikwegereye ku buryo ujya hafi yayo, ugahamagara numero y'umuganga urubuga rwaguhaye, akakuzanira ibyo wasabiye ku rubuga mu ibanga.

@RUKUNDO Emmanuel/ Isango Star - Nyanza.

kwamamaza