Kiny
Eng
Fr
Mu mafoto: Perezida Kagame mu musangiro w’abakuru b’ibihugu bitabiriye ‘Africa Forward Summit’
Uwajeneza Donatha
May 12, 2026 - 08:37
Perezida wa Repubulika y’u Rwanda, Paul Kagame, yifatanyije n’abandi bakuru b’Ibihugu na za Guverinoma mu musangiro wateguwe na Perezida wa Kenya, William Ruto, na Madamu Rachel Ruto mu rwego rwo guha icyubahiro abayobozi bitabiriye inama mpuzamahanga ya ‘Africa Forward Summit’ yiga ku bufatanye bwa Afrika n'Ubufaransa ku nyungu z'impande zombi.
kwamamaza
Uyu musangiro wabaye mu ijoro ryo ku wa 11 Gicurasi (05) 2026, uhuza abayobozi bitabiriye iyi nama iri guhuriza hamwe Afurika n’Ubufaransa mu biganiro byibanda ku iterambere, ishoramari n’ikoranabuhanga.
Biteganyijwe ko muri iyi nama Perezida Kagame arayobora ikiganiro ku ikoreshwa ry’ikoranabuhanga rigezweho ririmo ubwenge buhangano (AI), ndetse arageza ijambo ku bayobozi b’ibigo byo muri Afurika n’Ubufaransa ku bijyanye n’inganda zitangiza ibidukikije n’ikoreshwa ry’ingufu zidahumanya ikirere.
Iyi nama iyobowe na Perezida wa Kenya, William Ruto, na Perezida w’Ubufaransa, Emmanuel Macron, yitabiriwe n’abarenga 4000 barimo abakuru b’ibihugu barenga na za Guverinoma basaga 27, abashoramari ndetse n’abahanga mu guhanga udushya.
Minisitiri w’Ububanyi n’Amahanga n’Ubutwererane, Amb. Olivier Nduhungirehe witabiriye iyi nama, yavuze ko ibiganirwaho byibanda ku mahoro n’umutekano, ubukungu, ubucuruzi n’uburyo Afurika yabona ubushobozi bwo gutera inkunga imishinga yayo.
Reba amwe mu mafoto y'iki gikorwa kuvw Perezida kagame ageze I Nairobi, muri Kenya ahari kubera Africa Forward Summit:
kwamamaza