
Manchester City yihanangirije Real Madrid ikatisha itike y’umukino wa nyuma wa UEFA Champion league.
May 18, 2023 - 16:15
Manchester City yageze ku mukino wa nyuma wa Champion League ku nshuro yayo ya kabiri nyuma yo gukuramo ikipe ya Real Madrid yo muri Espagne ku giteranyo cy’ibitego 5-1. Nyuma yo gusezerera Real Madrid yarifite iki gikombe, biteganyijwe ko Man City izahura na Inter de Milan yo mu Butaliyani.
kwamamaza
Ibi yabigezeho ku mugoroba wo ku wa 17 Gicurasi (05) 2023, mu mukino wo kwishyura muri ½ wabereye mu gihugu cy’Ubwongereza kuri Etihad stadium. Gutsinda ikipe ya Real Madrid byatumye ikipe ya Manchester City ikora amateka.
Abantu benshi ntabwo bari bizeye ko uyu mukino wabonekamo ibitego byinshi, noneho bikaza ku ruhande rw’ikipe imwe gusa, cyane ko mu mukino ubanza wari wabereye ku cyibuga cya Santiago Brenabeu warangiye amakipe yombi anganyije igitego 1-1 kuko ibitego byari byarumbye.
Ku mukino wo kwishyura wabaye kuri uyu wa gatatu, ku ya 18 Gicurasi (05) 2023, warangiye ibitego byarumbutse, dore ko ikipe ya Manchester City yihanangirije ikipe ya Real Madrid ikayitsinda ibitego 4-0.
Uyu mukino watangiye ikipe ya Manchester City yataka bikomeye ikipe ya Real Madrid, maze bidatinze ku munota wa 23 w’umukino umunya-portugal Bernardo Silva abona igitego cya mbere cy’ikipe ya Manchester City, biturutse ku mupira yahawe na Kevin de Bruyne ndetse Bernardo Silva yongera gutsinda igitego cya kabiri ku munota wa 37 w’umukino.
Ibi byatumye igice cya mbere kirangira Manchester City itsinze ibitego bibiri ku busa ( 2-0) bw’ ikipe ya Real Madrid.
Ubwo igice cya kabiri cyatangiraga, ikipe ya Real madrid yatangiye igerageza kwataka izamu rya Manchester City ariko Edson; umuzamu w’umunya -Brazil, wa Manchester City akomeza kubabera ibamba.
Ku munota wa 76 w’umukino, Manuel Akanji; umu- swiss ukinira Manchester City , yongeye kunyeganyeza ishundura za Real Madrid maze abafana bose bifata mu mutwe.
Gutsinda ntibyarangiriye aho, kuko ku munota wa mbere w’inyongera (90+1’) umunya –Agentina, Jurian Alvares ukinira Manchester City winjiyemo
Gutsinda ntibyarangiriye aho, kuko ku munota wa mbere w’inyongera (90+1’) umunya –Agentina, Jurian Alvares ukinira Manchester City winjiyemo asimbuye, yatsinzwe igitego cya kane cy’iyi kipe ku mupira yahawe na Phil Foden maze umukino urangira ari ibitego 4 bya Manchester City ku busa bwa Real Madrid (4-0), birangira ari ibitego bitanu kuri kimwe (5-1).
Ibi byatumye ikipe ya Manchester City ikatisha itike yo kwerekeza Istanbul mu gihugu cya Turkey, ahazabera umukino wa nyuma wa UEFA Champions League 2022-2023.
Biteganyijweko ikipe ya Manchester City igomba guhura na Enter de Milan yo mu gihugu cy’ubutariyani,nyuma yo gusezerera ikipe ya AC Milan.
@Deo Niyomwungeri/Isango Star.
kwamamaza