Gukwirakwiza amazi ntibiragerwaho nk’uko biteganyijwe muri NST1

Gukwirakwiza amazi ntibiragerwaho nk’uko biteganyijwe muri NST1

Minisiteri y’ibikorwaremezo ifatanyije n’ikigo gishinzwe amazi isuku n’isukura WASAC bariyemeza ingamba zizatuma intego yo kwegereza abaturarwanda amazi nk’uko biteganyijwe muri gahunda ya NST1 iri kugana ku musozo igerwaho, mu gihe umwaka wa 2023 wasize iyi ntego igeze kuri 82.3%.

kwamamaza

 

Muri 2017, Guverinoma y’u Rwanda yashyizeho gahunda y’imyaka 7 igamije kwihutisha iterambere mu nkingi zitandukanye NST1. Muri iyi gahunda hateganywaga ko izagera ku musozo muri uyu mwaka wa 2024, abaturandwanda bose baregerejwe amazi ku buryo abo mu bice by’icyaro batazaba barenza metero 500 bajya ku ivomero n'aho abo mu mijyi ntibarenze metero 200.

Nyamara kugeza na magingo aya hari abatuye mu bice binyuranye batahwemye kugaragariza Isango Star ko bataragerwaho n’amazi meza, ndetse bikaba bikibatwara urugendo rurerure bajya kuyashaka.

Mu gihe iyi ntego yagombaga kugerwaho ku gipimo cy’ijana ku ijana, mbere y’uko umwaka wa 2023 urangira, ikigo gishinzwe amazi isuku n’usukura WASAC, cyagaragazaga ko bari bageze kuri 82.3%, ariko kandi Prof. Omar Munyaneza, Umuyobozi mukuru w’iki kigo gishinzwe amazi WASAC akavuga ko hakiri icyizere.

Ati "ni umushinga dutangirana n'uku kwezi kwa mbere kugirango muturere tugera ku 10 tubashe kugeramo amazi, n'ikibazo cya Nzove nacyo muri uyu mushinga, mu mafaranga harimo ayo kongera imiyoboro, gusana uruganda rwa Nzove kuko hari igice cyari gishaje kimaze igihe ku buryo cyari gifite ibibazo, rwatangaga amazi make ugereranyije n'ubushobozi bwarwo".      

Uretse izi ngamba kandi, ngo bari gukora ibishoboka byose ngo abanyarwanda bakomeze kwegerezwa amazi meza.

Fidele Abimana, Umunyamabanga uhoraho muri Minisiteri y’ibikorwa remezo, ari nayo ifite mu nshingano iyi gahunda.

Ati "turimo turakora ibishoboka kugirango tuzagere ku ijana ku ijana nkuko twabyiyemeje, ibi bijyana n'imishinga itandukanye kandi kuyishyira mu bikorwa neza habayeho kugira ibigo 2, kimwe gishinzwe gucuruza amazi n'ikigo kizajya cyiga imishinga kikanayishyira mu bikorwa, bizadufasha kwihuta mu gihe dusigaranye".    

Ni kenshi hagiye hagarukwa ku ngaruka zikomeye zishobora gukururwa no kutagira amazi meza biturutse ahanini ku gukoresha amazi mabi, zirimo indwara zifitanye isano n’umwanda.

Mu ngendo Abadepite bagiriye hirya no hino mu Rwanda mu ntangiriro za 2023, bagaragaje ko hari imirenge iri ku rwego rwo hasi mu kugeza amazi meza ku baturage, irimo umurenge wa Rweru wo mu karere ka Bugesera basanze uri ku ijanisha rya 0%, mu gihe intego ari uko uyu mwaka wa 2024  abaturarwanda bose bazaba baragezweho n’amazi meza ku kigero cya 100%.

Inkuru ya Gabriel Imaniriho / Isango Star Kigali

<iframe width="560" height="315" src="https://www.youtube.com/embed/dF2fM3wBSjI?si=tLrP_WpUho4CrtcL" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

 

kwamamaza

Gukwirakwiza amazi ntibiragerwaho nk’uko biteganyijwe muri NST1

Gukwirakwiza amazi ntibiragerwaho nk’uko biteganyijwe muri NST1

 Jan 9, 2024 - 08:43

Minisiteri y’ibikorwaremezo ifatanyije n’ikigo gishinzwe amazi isuku n’isukura WASAC bariyemeza ingamba zizatuma intego yo kwegereza abaturarwanda amazi nk’uko biteganyijwe muri gahunda ya NST1 iri kugana ku musozo igerwaho, mu gihe umwaka wa 2023 wasize iyi ntego igeze kuri 82.3%.

kwamamaza

Muri 2017, Guverinoma y’u Rwanda yashyizeho gahunda y’imyaka 7 igamije kwihutisha iterambere mu nkingi zitandukanye NST1. Muri iyi gahunda hateganywaga ko izagera ku musozo muri uyu mwaka wa 2024, abaturandwanda bose baregerejwe amazi ku buryo abo mu bice by’icyaro batazaba barenza metero 500 bajya ku ivomero n'aho abo mu mijyi ntibarenze metero 200.

Nyamara kugeza na magingo aya hari abatuye mu bice binyuranye batahwemye kugaragariza Isango Star ko bataragerwaho n’amazi meza, ndetse bikaba bikibatwara urugendo rurerure bajya kuyashaka.

Mu gihe iyi ntego yagombaga kugerwaho ku gipimo cy’ijana ku ijana, mbere y’uko umwaka wa 2023 urangira, ikigo gishinzwe amazi isuku n’usukura WASAC, cyagaragazaga ko bari bageze kuri 82.3%, ariko kandi Prof. Omar Munyaneza, Umuyobozi mukuru w’iki kigo gishinzwe amazi WASAC akavuga ko hakiri icyizere.

Ati "ni umushinga dutangirana n'uku kwezi kwa mbere kugirango muturere tugera ku 10 tubashe kugeramo amazi, n'ikibazo cya Nzove nacyo muri uyu mushinga, mu mafaranga harimo ayo kongera imiyoboro, gusana uruganda rwa Nzove kuko hari igice cyari gishaje kimaze igihe ku buryo cyari gifite ibibazo, rwatangaga amazi make ugereranyije n'ubushobozi bwarwo".      

Uretse izi ngamba kandi, ngo bari gukora ibishoboka byose ngo abanyarwanda bakomeze kwegerezwa amazi meza.

Fidele Abimana, Umunyamabanga uhoraho muri Minisiteri y’ibikorwa remezo, ari nayo ifite mu nshingano iyi gahunda.

Ati "turimo turakora ibishoboka kugirango tuzagere ku ijana ku ijana nkuko twabyiyemeje, ibi bijyana n'imishinga itandukanye kandi kuyishyira mu bikorwa neza habayeho kugira ibigo 2, kimwe gishinzwe gucuruza amazi n'ikigo kizajya cyiga imishinga kikanayishyira mu bikorwa, bizadufasha kwihuta mu gihe dusigaranye".    

Ni kenshi hagiye hagarukwa ku ngaruka zikomeye zishobora gukururwa no kutagira amazi meza biturutse ahanini ku gukoresha amazi mabi, zirimo indwara zifitanye isano n’umwanda.

Mu ngendo Abadepite bagiriye hirya no hino mu Rwanda mu ntangiriro za 2023, bagaragaje ko hari imirenge iri ku rwego rwo hasi mu kugeza amazi meza ku baturage, irimo umurenge wa Rweru wo mu karere ka Bugesera basanze uri ku ijanisha rya 0%, mu gihe intego ari uko uyu mwaka wa 2024  abaturarwanda bose bazaba baragezweho n’amazi meza ku kigero cya 100%.

Inkuru ya Gabriel Imaniriho / Isango Star Kigali

<iframe width="560" height="315" src="https://www.youtube.com/embed/dF2fM3wBSjI?si=tLrP_WpUho4CrtcL" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

kwamamaza