Bamwe mu baturage bakomeje gufashwa kwigira, borozwa amatungo magufi

Bamwe mu baturage bakomeje gufashwa kwigira, borozwa amatungo magufi

Muri gahunda ya Leta yo gufasha abaturage kwikura mu bukene, barimo guhabwa amatungo magufi abafasha kwigira no kwihutisha iterambere no kuzamuka k’ubukungu ku gihugu.

kwamamaza

 

Iyi ni gahunda Minisiteri y’ ubutegetsi bw’igihugu ifatanya na Minisiteri y’ubuhinzi n’ ubworozi hagamije gukura umubare mu minini w’abaturage mu bukene.

Ni gahunda bamwe mu baturage bahawe aya matungo bishimira bakavuga ko yabahinduriye imibereho bakaba batagitegereza guhabwa.

Kugira ngo umuturage abashe kwikura mu bukene bisaba ko gahunda za Leta zifasha abaturage kwikura mu bukene zimuhuriraho zirenze imwe kandi icyarimwe, ari nayo mpamvu imwe muri iyo mishinga yatanze aya matungo ivuga ko aricyo yashingiyeho.

Telesphore Ntivuguruzwa ashinzwe imirire mu mushinga ushinzwe iterambere ry’ubworozi ry’amatungo magufi ukorera muri Minisiteri y’ubuhinzi n’ubworozi.

Ati "uko umushinga wubatse ni ugutanga amatungo no kuyakurikirana ndetse no gushishikariza abaturage gukoresha ibyavuye kuri ya matungo ndetse tukarushaho kwita ku isuku y'abagenerwabikorwa".  

Muri iyi gahunda inzego z’ibanze zemeza ko hari aho yakuye umuturage wabarizwaga mu cyiciro cy’ubukene, nkuko byemezwa na Ngendahayo Jean ushimzwe ubuhinzi n’ubworozi n’umutungo kamere mu karere ka Musanze.

Ati "intego nyamukuru y'uyu mushinga ni uguteza imbere abaturage ariko dushingiye ku korora amatungo magufi, iyo umuntu yabonye itungo ibintu byinshi iwe mu rugo birahinduka".   

Minisiteri y’ubutegetsi bw’igihugu kurubu ivuga ko bijyanye n’ubushobozi igihugu gifite muri porogaramu yo gukura abaturage mubukene harimo abagera ku bihumbi 315.327, bakaziyongera uko ubushobozi bugenda buboneka.

Ibarura rusange ryo muri 2022, ryagaragaje ko abaturage ibihumbi 887.508 bafite ubukene bukabije naho miliyoni 3.139.395 nibo bari mubukene bworoheje abakennye bose bakangana na miliyoni 3.502.686.

Inkuru ya Emilienne Kayitesi / Isango Star Kigali

 

kwamamaza

Bamwe mu baturage bakomeje gufashwa kwigira, borozwa amatungo magufi

Bamwe mu baturage bakomeje gufashwa kwigira, borozwa amatungo magufi

 Feb 9, 2024 - 07:38

Muri gahunda ya Leta yo gufasha abaturage kwikura mu bukene, barimo guhabwa amatungo magufi abafasha kwigira no kwihutisha iterambere no kuzamuka k’ubukungu ku gihugu.

kwamamaza

Iyi ni gahunda Minisiteri y’ ubutegetsi bw’igihugu ifatanya na Minisiteri y’ubuhinzi n’ ubworozi hagamije gukura umubare mu minini w’abaturage mu bukene.

Ni gahunda bamwe mu baturage bahawe aya matungo bishimira bakavuga ko yabahinduriye imibereho bakaba batagitegereza guhabwa.

Kugira ngo umuturage abashe kwikura mu bukene bisaba ko gahunda za Leta zifasha abaturage kwikura mu bukene zimuhuriraho zirenze imwe kandi icyarimwe, ari nayo mpamvu imwe muri iyo mishinga yatanze aya matungo ivuga ko aricyo yashingiyeho.

Telesphore Ntivuguruzwa ashinzwe imirire mu mushinga ushinzwe iterambere ry’ubworozi ry’amatungo magufi ukorera muri Minisiteri y’ubuhinzi n’ubworozi.

Ati "uko umushinga wubatse ni ugutanga amatungo no kuyakurikirana ndetse no gushishikariza abaturage gukoresha ibyavuye kuri ya matungo ndetse tukarushaho kwita ku isuku y'abagenerwabikorwa".  

Muri iyi gahunda inzego z’ibanze zemeza ko hari aho yakuye umuturage wabarizwaga mu cyiciro cy’ubukene, nkuko byemezwa na Ngendahayo Jean ushimzwe ubuhinzi n’ubworozi n’umutungo kamere mu karere ka Musanze.

Ati "intego nyamukuru y'uyu mushinga ni uguteza imbere abaturage ariko dushingiye ku korora amatungo magufi, iyo umuntu yabonye itungo ibintu byinshi iwe mu rugo birahinduka".   

Minisiteri y’ubutegetsi bw’igihugu kurubu ivuga ko bijyanye n’ubushobozi igihugu gifite muri porogaramu yo gukura abaturage mubukene harimo abagera ku bihumbi 315.327, bakaziyongera uko ubushobozi bugenda buboneka.

Ibarura rusange ryo muri 2022, ryagaragaje ko abaturage ibihumbi 887.508 bafite ubukene bukabije naho miliyoni 3.139.395 nibo bari mubukene bworoheje abakennye bose bakangana na miliyoni 3.502.686.

Inkuru ya Emilienne Kayitesi / Isango Star Kigali

kwamamaza