Kiny
Eng
Fr
Martin Zubimendi yemejwe nk'umukinnyi mushya wa Arsenal
Uwajeneza Donatha
Jul 7, 2025 - 08:36
Nyuma y’igihe kirekire yifuuzwa na Arsenal, Martin Zubimendi, umukinnyi wo hagati w’Umunya-Espagne wakiniraga Real Sociedad, yamaze gusinya muri iyi kipe yo mu Bwongereza.
kwamamaza
Zubimendi wavutse mu 1999 akaba afite imyaka 26, yerekeje muri Arsenal avuye muri shampiyona ya Espagne (La Liga), aho yakiniye Real Sociedad imikino 180, ayitsindira ibitego 9. Yatanzweho akayabo ka miliyoni 60 z’amadolari, nyuma yo gukurira mu ishuri ryayo ry’abato.
Uyu mukinnyi asanzwe akinira ikipe y’igihugu ya Espagne, aho yayifashije kwegukana UEFA Nations League 2023, ndetse anagira uruhare rukomeye mu gutwara Euro 2024 batsinze u Bwongereza ibitego 2-1 ku mukino wa nyuma.
Zubimendi abaye umukinnyi wa kabiri Arsenal iguze muri iyi mpeshyi, nyuma y’umunyezamu Kepa Arrizabalaga waturutse muri Chelsea aguzwe miliyoni 5£.
Iyi kipe kandi yamaze gutandukana na Thomas Partey, uherutse kuregwa ibyaha bijyanye no gufata ku ngufu n’ihohotera rishingiye ku gitsina.
Arsenal iracyari ku isoko kuko iri mu biganiro bya nyuma na Christian Nørgaard ukinira Brentford, ushobora kugurwa miliyoni 10£, ndetse n’Umusuwede Viktor Gyökeres, ukomeje kwifuzwa na Mikel Arteta.
@ Darius Shumbusho/ Isango Star-Kigali
kwamamaza