Kiny
Eng
Fr
Inter Milan na PSG zageze ku mukino wa nyuma wa UEFA champions league 2025
Uwajeneza Donatha
May 8, 2025 - 09:22
Ikipe ya Paris Saint-Germain yageze ku mu mukino wa nyuma wa UEFA champions league 2025 nyuma yo gutsinda Arsenal mu mukino wo kwishyura wa 1/2 cya UEFA Champions League yerekeza ku mukino wa nyuma izahura na Inter Milan yasezereye FC Barcelona.
kwamamaza
Aya makipe azakina umukino wa nyuma ku itariki ya 31 Gicurasi (05) mu Budage ku kibuga cya Ariyanze Arena. Ikipe ya PSG yerekeje ku mukino wa nyuma nyuma yo gutsinda Arsenal mu mikino yombi ubanza n'uwo kwishyura, aho mu mukino ubanza PSG yari yatsinze 1:0 ku kibuga cya Arsenal. Umukino wo kwishyura wabereye mu Bufaransa, PSG yitwara neza itsinda na none 2:1. Imikino yombi irangira ari ibitego 3:1.
Inter Milan izahura na PSG ku mukino wa nyuma yahageze isezereye ikipe ya FC Barcelona mu mikino yombi yabonetsemo ibitego 13. Mu mukino ubanza, amakipe yombi yanganyije ibitego 3:3, naho mu mukino wo kwishyura wabereye mu Butaliyani ikipe ya Inter Milan yitwaye neza isezerera FC Barcelona ku bitego 4:3.
Kuva ikipe ya PSG yabaho ntiratwara igikombe cya UEFA champions league, mu gihe ikipe ya Inter Milan imaze gutwara ibikombe bitatu. Icya mbere yagitwaye muri 1964, muri 1965 irongera iragitwara, ndetse icyo iheruka yagitwaye muri 2010.
Ni ku nshuru ya mbere kandi aya makipe agiye guhurira ku mukino wa nyuma wa UEFA champions league.
Amwe mu mafoto:
@Shumbusho Darius/ Isango Star-Kigali
kwamamaza