Minisitiri w’Ububanyi n’Amahanga n’Ubutwererane, Ambasaderi Olivier Nduhungirehe, yamaganye imyanzuro y’Inama y’Abakuru b’Ibihugu bigize ICGLR yabereye i Kinshasa ku wa 15 Ugushyingo (11) 2025, ivuga ku makimbirane yo mu burasirazuba bwa Repubulika Iharanira Demokarasi ya Congo (RDC). Ni inama yasize Perezida Félix Tshisekedi nk’Umuyobozi mushya w’uyu muryango.

kwamamaza

Iyi nama yasojwe RDC n’ibindi bihugu binyamuryango bigize ICGLR ufite icyicaro i Bujumbura, byamagana M23, ndetse banasaba igihugu cy’igishotoranyi gukura ingabo muri RDC. Iyi nama ntiyibabiriwe n'u Rwanda ndetse Minisitiri Nduhungirehe yasubije ko imyanzuro yafatiwe i Kinshasa ntacyo ivuze ku bibazo by’Akarere, kuko yafashwe u Rwanda rutayirimo.

Yagize ati: “Imyanzuro y’inama ya ICGLR yabereye i Kinshasa mu cyumweru gishize u Rwanda rudahari, yatorewemo Tshisekedi nka Perezida mushya w’uyu muryango ufite icyicaro i Bujumbura, rwose nta gaciro ifite ku bibazo birebana n’amakimbirane yo mu burasirazuba bwa RDC.”

Minisitiri Nduhungirehe yagaragaje ko inzira zitanga icyizere mu guhosha amakimbirane atari iza ICGLR, ahubwo ari ibiganiro bihuriwemo na Leta Zunze Ubumwe za Amerika n’ibindi bihuriza RDC n’ihuriro AFC/M23 muri Doha. Yavuze ko ari zo zifite ubushobozi bwo gutanga ibisubizo birambye, kandi zikanashyigikirwa n’Umuryango wa Afurika Yunze Ubumwe.

Ati:“Ku bw’iyo mpamvu, gahunda y’amahoro ya Washington n’iya Doha zonyine, zishyigikiwe n’umuryango wa Afurika Yunze Ubumwe, ni zo zishaka by’ukuri igisubizo kirambye ku makimbirane yo mu burasirazuba bwa RDC.”

Inama ya ICGLR yabaye mu gihe ibiganiro bya Washington na Doha bikomeje gutanga icyizere cy’umuti urambye, cyane ko biri mu biganiro bigamije gukemura amakimbirane ihereye mu mizi. Ku wa 7 Ugushyingo (11) 2025, u Rwanda na RDC byashyize umukono ku mushinga w’amasezerano y’ubufatanye mu bukungu, naho ku wa 15 Ugushyingo (11) RDC na AFC/M23 bisinya ku mahame shingiro ashobora gufasha mu rugendo rwo kugarura amahoro mu burasirazuba bwa RDC.

@Igihe

U Rwanda rwatesheje agaciro imyanzuro y'inama ya ICGLR ku makimbirane ya RDC

Uwajeneza Donatha Nov 17, 2025 - 10:26

Minisitiri w’Ububanyi n’Amahanga n’Ubutwererane, Ambasaderi Olivier Nduhungirehe, yamaganye imyanzuro y’Inama y’Abakuru b’Ibihugu bigize ICGLR yabereye i Kinshasa ku wa 15 Ugushyingo (11) 2025, ivuga ku makimbirane yo mu burasirazuba bwa Repubulika Iharanira Demokarasi ya Congo (RDC). Ni inama yasize Perezida Félix Tshisekedi nk’Umuyobozi mushya w’uyu muryango.

kwamamaza

@Igihe

U Rwanda rwatesheje agaciro imyanzuro y'inama ya ICGLR ku makimbirane ya RDC

INKURU BIJYANYE

U Rwanda rwatesheje agaciro imyanzuro y'inama ya ICGLR ku makimbirane ya RDC