Transparency International Rwanda ivuga ko hari icyuho cya ruswa mu bikorera

Transparency International Rwanda ivuga ko hari icyuho cya ruswa mu bikorera

Umuryango mpuzamahanga urwanya ruswa n’akarengane transparency international Rwanda ugaragaza ko ibipimo bya ruswa mu Rwanda, byerekana ko igenda igabanuka, gusa ngo haracyari icyuho mu bikorera kuko badashyiraho ingamba zo kuyirwanya.

kwamamaza

 

Nkuko biri muri raporo y’umuryango mpuzamahanga urwanya ruswa n’akarengane transparency international yasohotse muri Mutarama uyu mwaka, u Rwanda ruri ku mwanya wa 49 ku rutonde rushya rwo kurwanya ruswa mu 2023, ruvuye ku mwanya wa 54 rwariho muri 2022.

Umunyamabanga nshingwabikorwa wa transparency international ishami ry'u Rwanda, Apollinaire Mupiganyi, avuga ko hakiri icyuho mu bantu bikorera ku giti cyabo kuko nta ngamba zishyirwaho zo guhanga na ruswa.

Ati "ahandi hari icyuho ni mu bigo by'abikorera, bimwe usanga bidafite uburyo bunoze bwo gutara amakuru no guhana ibyaha bya ruswa bishobora kuba bikorerwa muri ibyo bigo, nko gushaka abakozi byagaragaye mu bibazo tugenda twakira, ikibazo cya ruswa ishingiye ku gitsina kigaragara cyane mu bigo by'abikorera kurusha ahandi".    

Abaturage batandukanye bagaragaza ko kujya gusaba akazi mu bantu bikorera kugiti cyabo hari igihe usanga bigoye kuko hari igihe usabwa gutanga ruswa.

Umwe ati "muri iki gihe byo birakaze, hari ubanza akakubwira ati kugirango nguhe akazi urabanza umpe nk'amafaranga runaka ukabanza ukamuha amafaranga". 

Undi ati "birazwi ko iyo uri umukobwa utanga ibintu bakaguha akazi".

Undi ati "iki gihe iyo umubosi agiye kuguha akazi bisaba ngo nawe ubanze ugire akantu umuha, kugirango ugire icyo ubona nawe urashora niko bigenda".  

Rusanganwa Leon Pierre umukozi wa PSF mu ishami ry’ubuvugizi, agira inama abikorera kureka ruswa kuko ari icyaha gihanwa n’amategeko.

Ati "bakwiye kumenya ko ruswa ubwayo ni icyaha kandi icyaha kinahanirwa n'amategeko, kinaremereye ni n'icyaha kitanasaza ku buryo ugikurikiranweho agikurikiranwa igihe cyose azafatirwa, inama nagira abikorera n'abajya gusaba akazi nuko uburenganzira bwanjye ni ntavogerwa, uburenganzira bwawe ni ntavogerwa, tumenye uburenganzira bwacu".  

Ingingo ya 4 y’itegeko no 54/2018 ryo ku wa 13/08/2018 ryerekeye kurwanya ruswa ivuga ko umuntu wese usaba,utanga cyangwa wakira mu buryo ubwo aribwo bwose, indonke iyo ariyo yose kuri we cyangwa ku wundi muntu cyangwa wemera amasezerano yabyo kugirango akore cyangwa adakora ikiri mu nshingano ze cyangwa yifashije imirimo ye kugirango gikorwe cyangwa kidakorwa aba akoze icyaha.

Iyo abihamijwe n’urukiko ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye kuva ku nshuro eshatu (3) kugeza kuri eshanu (5) z’agaciro k’indonke yatse cyangwa yakiriye.

Urwego rw’Ubugenzacyaha, RIB rwo rwatangaje ko kuva muri Nyakanga 2018 kugeza ku wa 25 Mata 2024, hamaze gukurikiranwa dosiye 5107 z’ibyaha bifitanye isano na ruswa, zakurikiranywemo abantu 10169.

Inkuru ya Vestine Umurerwa / Isango Star Kigali

 

kwamamaza

Transparency International Rwanda ivuga ko hari icyuho cya ruswa mu bikorera

Transparency International Rwanda ivuga ko hari icyuho cya ruswa mu bikorera

 May 15, 2024 - 09:10

Umuryango mpuzamahanga urwanya ruswa n’akarengane transparency international Rwanda ugaragaza ko ibipimo bya ruswa mu Rwanda, byerekana ko igenda igabanuka, gusa ngo haracyari icyuho mu bikorera kuko badashyiraho ingamba zo kuyirwanya.

kwamamaza

Nkuko biri muri raporo y’umuryango mpuzamahanga urwanya ruswa n’akarengane transparency international yasohotse muri Mutarama uyu mwaka, u Rwanda ruri ku mwanya wa 49 ku rutonde rushya rwo kurwanya ruswa mu 2023, ruvuye ku mwanya wa 54 rwariho muri 2022.

Umunyamabanga nshingwabikorwa wa transparency international ishami ry'u Rwanda, Apollinaire Mupiganyi, avuga ko hakiri icyuho mu bantu bikorera ku giti cyabo kuko nta ngamba zishyirwaho zo guhanga na ruswa.

Ati "ahandi hari icyuho ni mu bigo by'abikorera, bimwe usanga bidafite uburyo bunoze bwo gutara amakuru no guhana ibyaha bya ruswa bishobora kuba bikorerwa muri ibyo bigo, nko gushaka abakozi byagaragaye mu bibazo tugenda twakira, ikibazo cya ruswa ishingiye ku gitsina kigaragara cyane mu bigo by'abikorera kurusha ahandi".    

Abaturage batandukanye bagaragaza ko kujya gusaba akazi mu bantu bikorera kugiti cyabo hari igihe usanga bigoye kuko hari igihe usabwa gutanga ruswa.

Umwe ati "muri iki gihe byo birakaze, hari ubanza akakubwira ati kugirango nguhe akazi urabanza umpe nk'amafaranga runaka ukabanza ukamuha amafaranga". 

Undi ati "birazwi ko iyo uri umukobwa utanga ibintu bakaguha akazi".

Undi ati "iki gihe iyo umubosi agiye kuguha akazi bisaba ngo nawe ubanze ugire akantu umuha, kugirango ugire icyo ubona nawe urashora niko bigenda".  

Rusanganwa Leon Pierre umukozi wa PSF mu ishami ry’ubuvugizi, agira inama abikorera kureka ruswa kuko ari icyaha gihanwa n’amategeko.

Ati "bakwiye kumenya ko ruswa ubwayo ni icyaha kandi icyaha kinahanirwa n'amategeko, kinaremereye ni n'icyaha kitanasaza ku buryo ugikurikiranweho agikurikiranwa igihe cyose azafatirwa, inama nagira abikorera n'abajya gusaba akazi nuko uburenganzira bwanjye ni ntavogerwa, uburenganzira bwawe ni ntavogerwa, tumenye uburenganzira bwacu".  

Ingingo ya 4 y’itegeko no 54/2018 ryo ku wa 13/08/2018 ryerekeye kurwanya ruswa ivuga ko umuntu wese usaba,utanga cyangwa wakira mu buryo ubwo aribwo bwose, indonke iyo ariyo yose kuri we cyangwa ku wundi muntu cyangwa wemera amasezerano yabyo kugirango akore cyangwa adakora ikiri mu nshingano ze cyangwa yifashije imirimo ye kugirango gikorwe cyangwa kidakorwa aba akoze icyaha.

Iyo abihamijwe n’urukiko ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye kuva ku nshuro eshatu (3) kugeza kuri eshanu (5) z’agaciro k’indonke yatse cyangwa yakiriye.

Urwego rw’Ubugenzacyaha, RIB rwo rwatangaje ko kuva muri Nyakanga 2018 kugeza ku wa 25 Mata 2024, hamaze gukurikiranwa dosiye 5107 z’ibyaha bifitanye isano na ruswa, zakurikiranywemo abantu 10169.

Inkuru ya Vestine Umurerwa / Isango Star Kigali

kwamamaza