Kuri uyu wa Gatandatu, itariki 29 Werurwe (03), 2025, ikipe ya Rayon Sports yakiriye Mukura VS mu mukino w’umunsi wa 22 wa shampiyona y’u Rwanda, Rwanda Premier League 2024-2025, wabereye kuri stade amahoro.

Umutoza wa Rayon sports yari yahisemo kubanza mu kibuga Abakinnyi 11 bayobowe na Khadime Ndiaye, Omborenga Fitina, Bugingo Hakim, Nsabimana Aimable, Youssou Diagne, Ndayishimiye Richald, Souleymane Daffe, Muhire Kevin, Biramahire Abeddy, Rukundo Adbulahman na Iraguha HaHadji.

ku ruhande rwa Mukura victory sports, umutoza wayo yabanje mu kibuga Nikolas Sebwato, Ishimwe Abdul, Rushema Chris, Hakizimana Zuberi, Uwumukiza Obed, Ndimbumba Nzau, Ntalindwa Aimable, Oladosu samson, Abdul Jalilu, Mensah Boateng na Malanda Destin Exauce' 

Umukino watangiye ikipe ya Rayon sports ishaka igitego hacyiri kare kuko ku munota wa 3' umuzamu wa Mukura victory sports  Nikolas Sebwato, yatabaye ikipe ye nyuma yo gufata umupira kandi yari asigaranye na Biramahire Abeddy, rutahizamu wa Rayon Sports. Ni amahirwe ya mbere yarabonetse ku ruhande rwa Gikundiro ariko ntiyayabyazwa umusaruro. Umukino wakomeje, ku munota wa 9' Biramahire Abeddy yongera kugerageza ishoti rikomeye mu izamu rya Mukura VS ariko umuzamu Nikolas Sebwato awukuramo.

Ikipe ya Mukura yanyuzagamo ikagerageza ariko ntibigire icyo bitanga, ku munota wa 15' Ntalindwa Aimable; umukinnyi yateye kufura nyuma y'ikosa Bugingo Hakim yakoreye Boateng Mensah ariko Kufura umuzamu wa Rayon Sports ayikuramo.

Amakipe yakomeje kugerageza uburyo yo gushaka igitego, maze ku munota wa 32' Biramahire Abeddy atsinda igitego cy'umutwe mwiza nyuma yo gukinana neza na Muhire Kevin na Rukundo Abdlahaman maze ahagurutsa abakunzi ba Rayon Sports. Gusa igitego cyanzwe kuko Abeddy yari yaraririye amakipe yombi aguma kunganya 0-0, igice cya mbere gisozwa bikimeze uko.

Nanone ku isaha ya 18;31' Abakunzi b'umupira w'amaguru bafashe umunota wo kwibuka Nyakwigendera Jean Rambert Gatare' .

Ubwo abakinnyi b'aya makipe yombi bagarukaga mu gice cya kabiri, cyatangiranye imbaraga ku mpande zombi ariko Rayon sports igerageza kureba ko yabona igitego mbere, maze ku munota wa 46', Rukundo Abdulahaman yateye kufura ariko umupira ugeze kwa Muhire Kevin awutera hanze y'izamu.

Kuva ku munota wa 70' ikipe ya Mukura yahinduye imikinire, kuko ku munota wa 73' Khadime Ndiaye yatabaye Rayon Sports nyuma yo gukuraho umupira yari yisanze asigaranye na Boateng Mensah.

Nta minota myinshi irashira ku munota wa 74' Mukura victory sports yafunguye amazamu ku gitego cyatsinzwe na Samson Oladosu, ku ishoti riremereye yatereye inyuma y'urubuga rw'umuzamu, ku mupira warutakajwe na Hadji.

Rayon sports yahise ikora impinduka ku munota wa 80' ikuramo Iraguha Hadji ishiramo Adama Bagayogo' mu buryo bwo gukomeza ubusatirizi, ndetse no gushaka igitego ariko kirabura, iminota 90' y'umukino yarangiye bongeraho iminota 7' irangira bicyiri igitego cy'imwe cya Mukura victory sports ku busa bwa Rayon sports.

Ibi byatumye Mukura victory sports yongera gukura amanota atatu kuri Rayon sports, biba ubugira kabiri kuko no mu mukino ubanza yari yayitse ibitego 2:1.

Nubwo Rayon sports ikomeje kuyobora urutonde rwa shampiyona na 46, uku gutsindwa kwayishyize ku gitutu gikomeye cyo gukomeza gushaka uko yakwegukana igikombe, kuko ikurikiwe na APR FC irusha amanota 4 gusa. APR FC ifite amanota 42, mbere yo gukina n'ikipe ya Vision, umukino w'umunsi wa 22.

Mukura victory sports ihise igira amanota 33, aho ariyo kipe imaze gutsinda Rayon sports imikino 2 muri shampiyona ya 2024-2025, mu mukino ubanza nuwo kwishyura.

@Darius Shumbusho/ Isango Star.