Kiny
Eng
Fr
Rayon Sports yakiriye rutahizamu mushya uvuye muri Sudan.
Uwajeneza Donatha
Aug 15, 2023 - 11:35
Ubuyobozi bw'ikipe ya Rayon Sports bwatangaje ko bwakiriye rutahizamu Eid Mugadam Abakar Mugadam uje gufatanya n'abahasanzwe kuzashakira iyi kipe ibitego bihagije mu marushanwa atandukanye iyi kipe izakina.
kwamamaza
Umunya-Sudan Eid Mugadam Abakar Mugadam w'imyaka 23 yageze i Kigali, aho aje kwinjira mu ikipe ya Rayon Sports iri kwiyubaka mbere yo kwinjira mu marushanwa y'umwaka w'imikino 2023-2024.
Eid Mugadam ni umukinnyi ufite ubushobozi bwo gukina aca mu mpande zombi asatira izamu (Right and left Winger) ndetse akaba yanakina inyuma y'abataha izamu.
Mbere yuko aza gukina muri Rayon Sports imuzanye mu Rwanda, yakiniye amakipe arimo Al-Hilal na Al Ahly Shendi z'iwabo muri Sudan.
Mugadam aje mu gice cy'ubusatirizi bwa Rayon Sports gisanzwemo Charles Baale uvuka muri Uganda kimwe na Moussa Essenu ndetse na Rudasingwa Prince.
Uyu mukinnyi kandi indi myanya ashobora kuzakinaho isanzweho abandi bakinnyi barimo Youssef Rharb ukomoka muri Maroc na Iraguha Hadji.Gusa, ntabwo Rayon Sports iratangaza igihe amasezerano ye azamara kuko atarerekanwa ku mugaragaro.
@Mihigo Sadam/Isango Star_Kigali.
kwamamaza