Kiny
Eng
Fr
Ikibuga cy'indege cy'i Kisangani cyagabweho igitero, RDC ibishinja u Rwanda na AFC/ M23
Uwajeneza Donatha
Mar 2, 2026 - 10:53
Ikibuga mpuzamahanga cy'indege cya Bangboka i Kisangani cyagabweho igitero cy'indege zitagira abaderevu z'ubwiyahuzi mu masaha y’akazi akomeye ku wa 1 Werurwe (01) 2026. Guverinoma ya Tshopo yashinje u Rwanda na AFC/M23 kugaba igitero, mu gihe igisirikare cya FARDC cyatangaje ko cyahanuye drones enye, imwe iraswa indege ya kampani nyafurika y'indege (CAA) igitangira kugwa, mu rwego rwo gukumira ibyangirika.
kwamamaza
Iki gitero kigabwe ku nshuro ya kabiri mu gihe kitarenze ukwezi, ibintu bikomeje kuzamura impungenge ku mutekano w’ikirere mu Ntara ya Tshopo no mu burasirazuba bwa RDC muri rusange.
Itangazo ry’Intara rivuga ko drones enye zose zarashwe zahanuwe, iya nyuma igahanurwa ahagana saa 19:30 z’umugoroba ku isaha yaho. Icyo gihe, indege ya CAA yari itangiye kumanuka ku kibuga, ibintu byari guteza ibyago bikomeye.
Radio Okapi yatangaje ko ibitero byagabwe mu masaha y’akazi akomeye ku kibuga, bishobora guhungabanya ibikorwa by’ubwikorezi bwo mu kirere no guteza impagarara.
Guverineri wa Tshopo yahamagariye abaturage ba Kisangani gutuza, ashimangira ko inzego z’umutekano zikomeje gukaza ingamba zo kurinda ibikorwaremezo by’ingenzi.
KU ya 31 Mutarama (01) 2026, FARDC yari yatangaje ko yarashe ikanahanura drones enye zari zifite intwaro, zihanura zigeze hafi ya kilometero 10 uvuye kuri Bangboka, mu gihe indi ya gatanu yari yageze hafi y’umuhanda w’indege ariko ntihagira ibyangirika.
kwamamaza