Kiny
Eng
Fr
Bénin: Ishyaka riharanira demokarasi ryanze ibyavuye mu matora.
Uwajeneza Donatha
Jan 12, 2023 - 12:11
Ishyaka riharanira demokarasi ritavuga rumwe n’ubutegetsi ryamaganye ibyavuye mu matora y’abagize inteko ishingamategeko, rivuga ko habayeho kwiba amajwi. Ibi byatangajwe kur’uyu wa kane, ku wa 12 Mutarama (01), nyuma yo hatangaza amajwi y’agateganyo, aha intsinzi ishyaka rya perezida Patrice Talon
kwamamaza
Komisiyo y’igihugu y’amatora (CENA) yatangaje ibyavuye mu matora mu buryo bw’agateganyo, aho ishyaka riri ku butegetsi ryegukanye imyanya 81 mu myanya 109 igize inteko ishingamategeko. Nimugihe ishyaka rikomeye ritavuga rumwe n’ubutegetsi ryegukanye imyanya 28 gusa.
Iri shyaka ritavuga rumwe n’ubutegetsi bwa Talon ryamaganye ibyavuye mu majwi y’agateganyo mugihe biteganyijwe ko amajwi ntakuka azatangazwa ejo ku wa gatanu, ku wa 13 Mutarama(01) 2023.
Iri shyaka kandi ryari ryagarutse mu matora nyuma yo kutagaragara mu ntego mu gihe cy’imyaka ine kuko ritigeze ryitabira amatora y’abagize inteko ishingamategeko yabanje ku mpamvu zo kuba ubutegetsi bwarakomeje amategeko agenga amatora.
Mu kiganiro n’abanyamakuru cyabaye mu gitondo cyo kur’uyu wa kane, Eric Houndete; umuyobozi w’iri shyaka rivuga ko riharanira demokarasi yamaganye ibyatangajwe mu buryo bw’agateganyo, avuga ko habayeho kugura amajwi kwakozwe n’abantu babiri bo mu nzego nk’uru z’ishyaka riri ku butegetsi, kwiba …ariko ntiyagaragariza intangazamakuru ibimenyetso.
Yagize ati: “ishyaka riharanira demokarasi ryamaganye amajwi yatangajwe, atajyanye n’ubushake bw’abaturage badushyira ku mwanya wa mbere nk’ishyaka rikomeye mu gihugu.”
Yongeyeho ko “amajwi agaragaza ko amashyaka abiri adashyigikiye Prezida Talon adakwiye nko kwihuriza hamwe kugira ngo ahagarike imikino ipfuye ya politiki.”
Amatora y’abagize inteko ishingamategeko yabaye ku cyumweru gishize, akorwa mu mutuzo bituma iki gihugu gito mu bihugu byo muri Afrika y’Iburengerazuba gitanga umukoro kuri demokarasi.
Perezida M. Talon yabaye perezida wa Benin mu mwaka w’2016 ndetse yongera gutorerwa kuyobora iki gihugu muri 2021. Yarasanzwe ari umuherwe ukora ubucuruzi.
Abamushyigikiye bavuga ko bashyize imbere guteza imbere ubukungu, mugihe abarwanya ubutegetsi bwe bavuga ko kuva yajya ku butegetsi nta demokarasi ikwirangwa muri Benin, abatavuga rumwe n’ubutegetsi bwe bakomeye barafunzwe, abandi bahungira I mahanga.
Umuryango uteza imbere ubukungu bw’ibihugu byo muri Afrika y’Iburengerazuba ECOWAS/CEDEAO bemeje ko amatora yo ku cyumweru yagenze neza mu mahoro kandi mu buryo bukurikije amategeko.
kwamamaza