Abayobozi barasabwa gukurikiza inama bahabwa ku bibazo byakirwa n’urwego rw’umuvunyi.

Abayobozi barasabwa gukurikiza inama bahabwa ku bibazo byakirwa n’urwego rw’umuvunyi.

Urwego rw'umuvunyi rurasaba Abayobozi kujya bakurikiza inama bagirwa kuko ziba zijyanye n'ibibazo rwakira buri munsi ku buryo baramutse bazikurikije zabafasha kunoza serivise baha abaturage. Ni mu gihe Abayobozi bo mu karere ka Kayonza bavuga ko bamaze kubona ibyatumye baba abanyuma mu mitangire ya serivise,bityo bagiye kwegera abaturage biruta uko babikoraga.

kwamamaza

 

Ibyavuye mu bushakashatsi bw’urwego rw’igihugu rw’imiyoborere RGB bijyanye n’uko abaturage babona imiyoborere n’imitangire ya serivise, buzwi nka CRC ni inkuru itazava mu mitwe y’abatuye akarere ka Kayonza, by’umwihariko abayobozi, bitewe n’uko aka karere kaje ku mwanya wa nyuma mu gihugu.

Abayobozi bavuga ko icyabiteye ari ikibazo kiri mu mitangire ya serivize z’ubutaka, nubwo n’ahandi gihari. Gusa bavuga ko basanga umuti wabyo ari ukwegera abaturage byimbitse kuruta uko byakorwaga.

Bizimana Claude; umunyamabanga nshingwabikorwa w’umurenge wa Murama, yagize ati: “ikigenda kigaragara ni ikijyanye na serivise mu butaka kuko habamo ihererekanwa nk’ibyo abaturage bahora bakora buri mutsi, harimo kugoroza imbago…. Aho ngaho rero niho tugomba kwegera kugira ngo abayobozi bo mu butaka barusheho kumanuka bakorere ku  tugali.”

Ku ruhande rwa Nyemazi John Bosco; umuyobozi w’akarere ka Kayonza, yemeranywa na Murama Bizimana Claude, cyane ko nawe  asanga umuti w’ikibazo cy’imitangire ya serivise idahwitse kinatuma baza ku mwanya wa nyuma.

Avuga ko iki kibazo kizacyemurwa n’uko umuturage uzahabwa serivise mbi azajya atinyuka akabivuga.

Ati: “hari ibireba inzego z’ubuyobozi ariko hari n’ibireba umuturage. Aho umuturage arenganye ye kumva yuko birangirira aho ngaho. Buri rwego rufite urundi rurukuriye. Niba utabonye serivise ku rwego rukwegereye, ukayisaba ntuyibone neza, ujya kuri rwa rwego ukagaragaza ibitatunganye noneho rwa rwego ruri hejuru rugafasha ururi hasi kugira ngo cya kibazo kibashe gukemuka.”

Nirere Madeleine; Umuvunyi Mukuru, avuga ko inzego z’ibanze zigiye zikurikiza inama z’urwego rw’umuvunyi,imitangire ya serivise yagenda neza kuko iteka berekwa aho bipfira ariko ntibahakosore.

Gusa asaba abayobozi b’akarere ka Kayonza kujya bashishikariza abaturage bagurisha ubutaka, kwihutira gukosoza ibyangombwa by’ubutaka kuko ibibazo by’ubutaka aribyo byiganje mu byakirwa n’uru rwego ku kigero cya 35%.

Ati: “hari nk’ahantu usanga abantu baragiye bagurisha nk’umutungo ariko ntibakatishe! Niba umuntu afite nka Ha 2 yatanzeho nka ari nka zingahe ntajye gukatisha icyangombwa cya bwa butaka yatanze, nabwo ugasanga bubaye ikibazo.”

“ igihe umuntu yagurishije ubutaka agombwa kwihutira kujya gukosoza ibyangombwa, ubutaka bwatanzwe bukavanwaho. Nacyo ni ikintu gikomeye cyane.”

Bimwe mu byatumye akarere ka Kayonza kaba akanyuma nk’uko byagaragajwe n’urwego rw’igihugu rw’imiyoborere, RGB, ugereranyije amanota yo muri iyi myaka ibiri ya 2022 na 2023, basubiye inyuma ku gipimo cya 19.5% . Mu birebana no kwakira no kwita ku barwayi, gucyemura ibibazo by’abaturage ku gihe ari naho hazamo iby’ubutaka,basubiye inyuma 17.2%.

Naho serivise zitangirwa ku rwego rw’akagari basubiye inyuma 16.8%, isuku mu ngo z’abaturage basubiye inyuma 13%, naho ku isuku yo ku masoko basubira inyuma 12.2%.

@ Djamali Habarurema/Isango Star-Kayonza.

 

kwamamaza

Abayobozi barasabwa gukurikiza inama bahabwa ku bibazo byakirwa n’urwego rw’umuvunyi.

Abayobozi barasabwa gukurikiza inama bahabwa ku bibazo byakirwa n’urwego rw’umuvunyi.

 Nov 30, 2023 - 13:48

Urwego rw'umuvunyi rurasaba Abayobozi kujya bakurikiza inama bagirwa kuko ziba zijyanye n'ibibazo rwakira buri munsi ku buryo baramutse bazikurikije zabafasha kunoza serivise baha abaturage. Ni mu gihe Abayobozi bo mu karere ka Kayonza bavuga ko bamaze kubona ibyatumye baba abanyuma mu mitangire ya serivise,bityo bagiye kwegera abaturage biruta uko babikoraga.

kwamamaza

Ibyavuye mu bushakashatsi bw’urwego rw’igihugu rw’imiyoborere RGB bijyanye n’uko abaturage babona imiyoborere n’imitangire ya serivise, buzwi nka CRC ni inkuru itazava mu mitwe y’abatuye akarere ka Kayonza, by’umwihariko abayobozi, bitewe n’uko aka karere kaje ku mwanya wa nyuma mu gihugu.

Abayobozi bavuga ko icyabiteye ari ikibazo kiri mu mitangire ya serivize z’ubutaka, nubwo n’ahandi gihari. Gusa bavuga ko basanga umuti wabyo ari ukwegera abaturage byimbitse kuruta uko byakorwaga.

Bizimana Claude; umunyamabanga nshingwabikorwa w’umurenge wa Murama, yagize ati: “ikigenda kigaragara ni ikijyanye na serivise mu butaka kuko habamo ihererekanwa nk’ibyo abaturage bahora bakora buri mutsi, harimo kugoroza imbago…. Aho ngaho rero niho tugomba kwegera kugira ngo abayobozi bo mu butaka barusheho kumanuka bakorere ku  tugali.”

Ku ruhande rwa Nyemazi John Bosco; umuyobozi w’akarere ka Kayonza, yemeranywa na Murama Bizimana Claude, cyane ko nawe  asanga umuti w’ikibazo cy’imitangire ya serivise idahwitse kinatuma baza ku mwanya wa nyuma.

Avuga ko iki kibazo kizacyemurwa n’uko umuturage uzahabwa serivise mbi azajya atinyuka akabivuga.

Ati: “hari ibireba inzego z’ubuyobozi ariko hari n’ibireba umuturage. Aho umuturage arenganye ye kumva yuko birangirira aho ngaho. Buri rwego rufite urundi rurukuriye. Niba utabonye serivise ku rwego rukwegereye, ukayisaba ntuyibone neza, ujya kuri rwa rwego ukagaragaza ibitatunganye noneho rwa rwego ruri hejuru rugafasha ururi hasi kugira ngo cya kibazo kibashe gukemuka.”

Nirere Madeleine; Umuvunyi Mukuru, avuga ko inzego z’ibanze zigiye zikurikiza inama z’urwego rw’umuvunyi,imitangire ya serivise yagenda neza kuko iteka berekwa aho bipfira ariko ntibahakosore.

Gusa asaba abayobozi b’akarere ka Kayonza kujya bashishikariza abaturage bagurisha ubutaka, kwihutira gukosoza ibyangombwa by’ubutaka kuko ibibazo by’ubutaka aribyo byiganje mu byakirwa n’uru rwego ku kigero cya 35%.

Ati: “hari nk’ahantu usanga abantu baragiye bagurisha nk’umutungo ariko ntibakatishe! Niba umuntu afite nka Ha 2 yatanzeho nka ari nka zingahe ntajye gukatisha icyangombwa cya bwa butaka yatanze, nabwo ugasanga bubaye ikibazo.”

“ igihe umuntu yagurishije ubutaka agombwa kwihutira kujya gukosoza ibyangombwa, ubutaka bwatanzwe bukavanwaho. Nacyo ni ikintu gikomeye cyane.”

Bimwe mu byatumye akarere ka Kayonza kaba akanyuma nk’uko byagaragajwe n’urwego rw’igihugu rw’imiyoborere, RGB, ugereranyije amanota yo muri iyi myaka ibiri ya 2022 na 2023, basubiye inyuma ku gipimo cya 19.5% . Mu birebana no kwakira no kwita ku barwayi, gucyemura ibibazo by’abaturage ku gihe ari naho hazamo iby’ubutaka,basubiye inyuma 17.2%.

Naho serivise zitangirwa ku rwego rw’akagari basubiye inyuma 16.8%, isuku mu ngo z’abaturage basubiye inyuma 13%, naho ku isuku yo ku masoko basubira inyuma 12.2%.

@ Djamali Habarurema/Isango Star-Kayonza.

kwamamaza