Kiny
Eng
Fr
Volleyball: POLICE WVC na APR WVC Zamenye Amatsinda ziherereyemo mu mikino ya African Women's Club Championship 2025
Uwajeneza Donatha
Apr 3, 2025 - 13:22
Mu gihe habura igihe gito ngo irushanwa ry'amakipe y'itwaye neza iwayo ku mugane wa Afurika ritangire muri volleyball amakipe ahagarariye u Rwanda yisanze mu matsinda atandukanye.
kwamamaza
APR WVC iherutse kwegukana igikombe cy' Akarere ka gatunu mu bagore yisanze mu itsinda rya mbere A. Nimugihe Police WVC iherutse gutsindirwa ku mukino wa nyuma wa zone 5 iri mu Itsinda rya kane rya D.
Iyi mikino iratangira kuri uyu wa kane, ku itariki ya 03 Mata (04), 2025 muri Nigeria. Iri rushanwa rya African Women’s Club Championship 2025 ryitabiriwe n'amakipe 16 aturutse mu bihugu 10 bitandukanye byo muri Afurika, aho yagabanyijwe mu matsinda ane (4) atandukanye.
Itsinda rya mbere A ririmo APR WVC ihagarariye u Rwanda, CFC yo muri Tunisia, NCS yo muri Nigeria na MKE yo muri Cameroun.
Mu gihe mu itsinda rya kabiri B ririmo CNS yo muri Nigeria, ZMK yo mu Misiri, PRI yo muri Kenya na SSV yo muri Botswana.
Naho mu itsinda rya gatatu C ririmo AHL yo mu Misiri, VLL yo muri Côte d’Ivoire, KCB yo muri Kenya na SOC yo muri Sénégal.
Itsinda rya kane D ririmo Police WVC yo mu Rwanda, Kenya Pipeline yo muri Kenya, OMD yo muri Côte d’Ivoire na LTV yo muri Cameroun.
Umukino wa mbere APR WVC izahura CFC yo muri Tunisia uzaba kuri uyu wa Kane, ku iariki ya 3 Mata (04), mu gihe uwa Police WVC uzayihuza na Pipeline yo muri Kenya ku wa Gatanu, ku itariki ya 4 Mata (04).
Ikipe ya POLICE WVC na APR WVC zizava muri iri rushanwa zigaruka i Kigali, aho zizahurira ku mukino wa nyuma wa kamarampaka wo gushaka ikipe izatwara igikombe cya shampiyona 2025.
@Darius Shumbusho/ Isango Star-Kigali.
kwamamaza