Mu gihe uburasirazuba bwa Repubulika Iharanira Demokarasi ya Congo bukomeje kugarizwa n’umutekano muke, Umuyobozi w’agateganyo wa MONUSCO akaba n’Intumwa yihariye y’Umunyamabanga Mukuru wa Loni, Vivian van de Perre, ategerejwe i Goma kuri uyu wa Kane, tariki ya 12 Gashyantare (02), mu ruzinduko rugamije gushyigikira imyiteguro yo gukurikirana no kugenzura ishyirwa mu bikorwa ry’agahenge kumvikanyweho hagati ya RDC na AFC/ M23 mu biganiro by'amahoro bibera i Doha.

kwamamaza

Uru ruzinduko, rwemejwe nyuma y’ibiganiro n’ubuyobozi bwa Congo, ndetse rugamije gutuma habaho uburyo busobanutse bwo kugenzura agahenge hashingiwe ku mwanzuro wa Loni 2808 (2025).

MONUSCO yatangaje ko Vivian van de Perre aragera i Goma akoresheje inzira yo mu kirere, bikaba ari intambwe ifite igisobanuro gikomeye kuko ingendo zo mu kirere zari zimaze igihe zihagaritswe kuva muri Mutarama (01) 2025, AFC/M23 ifashe umujyi wa Goma.

Uruzinduko rwe ruzibanda ku biganiro n’abafatanyabikorwa batandukanye ku rwego rw’ibanze, hagamijwe kunoza imitegurire y’uburyo bwo gukurikirana no kugenzura agahenge, mu rwego rwo kurushaho kukubahiriza mu bikorwa mu buryo bufatika.

Nanone haishingiwe ku Mwanzuro 2808 (2025) w’Inama y’Umutekano ya Loni, MONUSCO ifite uburenganzira bwo gufasha ishyirwa mu bikorwa ry’agahenge gahoraho. Iyi nkunga itangwa mu buryo bwa tekiniki n’ibikoresho igihe bibaye ngombwa, inyuze mu bufatanye n’Inama Mpuzamahanga ku Karere k’Ibiyaga Bigari (CIRGL), binyuze mu rwego rwagutse rushinzwe kugenzura no kwemeza iyubahirizwa ry’agahenge, EJVM+.

Aganira n'itangazamakuru, Vivian van de Perre yagize ati: “Ngiye i Goma gushyigikira imyiteguro ijyanye no gukurikirana no kugenzura agahenge, mu bufatanye bwa hafi n’inzego zashyizweho zishinzwe imikorere y’aka gahenge, zirimo na EJVM+.”

MONUSCO yongeye gushimangira ko ibikorwa byayo bizakorwa mu rwego rwa manda yahawe n’Inama y’Umutekano ya Loni kandi hubahirizwa byuzuye ubusugire bwa Repubulika Iharanira Demokarasi ya Congo.

@Radio Okapi

Umuyobozi wa MONUSCO ategerejwe i Goma gukurikirana agahenge kumvikanyweho

Uwajeneza Donatha Feb 12, 2026 - 11:09

Mu gihe uburasirazuba bwa Repubulika Iharanira Demokarasi ya Congo bukomeje kugarizwa n’umutekano muke, Umuyobozi w’agateganyo wa MONUSCO akaba n’Intumwa yihariye y’Umunyamabanga Mukuru wa Loni, Vivian van de Perre, ategerejwe i Goma kuri uyu wa Kane, tariki ya 12 Gashyantare (02), mu ruzinduko rugamije gushyigikira imyiteguro yo gukurikirana no kugenzura ishyirwa mu bikorwa ry’agahenge kumvikanyweho hagati ya RDC na AFC/ M23 mu biganiro by'amahoro bibera i Doha.

kwamamaza

Uru ruzinduko, rwemejwe nyuma y’ibiganiro n’ubuyobozi bwa Congo, ndetse rugamije gutuma habaho uburyo busobanutse bwo kugenzura agahenge hashingiwe ku mwanzuro wa Loni 2808 (2025).

MONUSCO yongeye gushimangira ko ibikorwa byayo bizakorwa mu rwego rwa manda yahawe n’Inama y’Umutekano ya Loni kandi hubahirizwa byuzuye ubusugire bwa Repubulika Iharanira Demokarasi ya Congo.

@Radio Okapi

Umuyobozi wa MONUSCO ategerejwe i Goma gukurikirana agahenge kumvikanyweho

INKURU BIJYANYE

Umuyobozi wa MONUSCO ategerejwe i Goma gukurikirana agahenge kumvikanyweho