Kiny
Eng
Fr
Umusaruro ugerwa ku mashyi w'irukanishije Masudi Djuma muri Etincelles
SHUMBUSHO Darius
Feb 3, 2026 - 13:49
Ikipe ya Etincelles FC yirukanye uwari umutoza wayo mukuru Masudi Djuma n’abungiriza be kubera umusaruro muke.
kwamamaza
Abagize Ubuyobozi bw’Ikipe ya Etincelles FC birukanye uwari umutoza mukuru Masudi Djuma n’abungiriza be kubera umusaruro muke nyuma yaho iyi kipe yo mu karere ka Rubavu imaze iminsi ititwara neza cyane cyane mu gice cyibanza cya Shampiyona y'Urwanda Rwanda premier league ndetse ikaba yaranatangiye igice cya kabiri (phase retour) tsindwa na Mukura victory Sports ku munsi wa 18 wa Shampiyona 2025/26.
Itangazo rihagarika uyu mutoza ndetse n'abungiriza be ryanyujijwe ku mbuga nkoranyambaga za ekipe aho icyemezo cyo kumuhagarika kuri izi nshingano cyagiraga giti: “Ubuyobozi bwa Etincelles FC bumaze gusezerera abatoza bayo kubera umusaruro muke.Ikipe iraba itozwa na Bizimana Abdou (Bekeni) mu gihe hagishakwa abandi bo kubasimbura.”
Uyu mutoza Masudi Djuma yirukanwe atari amaze igihe kinini muri iyi kipe kuko yari amaze amezi ane muri izi nshingano aho yari yaje asimbuye Romami marcel nawe wari warasimbuye umutoza Seninga Innocent.
ikipe ya etincelles iri ku mwanya wa nyuma wa 18 n’amanota 11 aho imaze gutsinda umukino umwe(1) ikanganya imikino umunani (8) aho imaze gutsindwa imikino icyenda (9) mu mukino 18 imaze gukina ya Rwanda premier league 2025/2026, nyamara yongeyemo abakinyi barimo Umunya-Cameroun Assana Nah Innocent wahoze muri Rayon Sports, iyi kipe iragaruka mu kibuga ikina na Musanze fc ku munsi wa 19 wa Shampiyona.
kwamamaza