Abanyarwanda barasabwa kudaca intege ba Marayika Murinzi

Abanyarwanda barasabwa kudaca intege ba Marayika Murinzi

Kuri uyu wa gatanu muri Stade ya Muhanga habereye igikorwa cyo kwizihiza umunsi wa Marayika Murinzi, ba Marayika Murinzi bakaba bishimira uruhare rwabo mu kurera abana badafite imiryango.

kwamamaza

 

Ubwo hizihizwaga umunsi wa Marayika Murinzi ku nshuro ya mbere mu Rwanda, bamwe muri aba babyeyi bavuze ko barera abana kubera urukundo nubwo hari ababaca intege.

Umwe ati "umubyeyi udafite umutima w'urukundi ntabwo yabasha kubarera, Abamarayika barinzi aba ari ababyeyi baba bafite umutima w'urukundo bafite kwihangana, utihanganye ntabwo wabasha kurera abo bana".  

Mu kwaka wa 2012 nibwo hashyizweho ingamba zo kwita ku bana hagamijwe kubaha amahirwe yo kuba no kurererwa mu muryango, cyane cyane abana barererwaga mu bigo by'imfubyi, kuko hari imfubyi nyinshi bitewe n'impamvu zitandukanye nkuko bivugwa na Madam Ingabire Assumpta umuyobozi mukuru w'ikigo cy'igihugu gishinzwe imikurire no kurengera umwana NCDA.

Ati "icyo gihe igihugu cyari cyugarijwe n'abana benshi b'imfubyi za Jenoside yakorewe Abatutsi, abana bimfubyi za SIDA ndetse n'abana bagiye batatana n'imiryango yabo kuko icyo gihe twari dufite ibigo by'imfubyi 33 birimo abana nk'ibihumbi bine, hatangiye ubukangurambaga bwitwaga 'Wite ku mwana wese nk'uwawe' niho havuye iri izina ryiza ryahawe aba babyeyi izina rya Marayika Murinzi". 

Minisitiri w'uburinganire n'iterambere ry'umuryango Dr. Valentine Uwamariya yasabye abantu kudaca intege ba Marayika Murinzi kuko bafitiye akamaro umuryango nyarwanda, yasabye kandi urubyiruko rukiri ruto kutishyiramo yuko imiryango yose yaba ibanye nabi.

Ati "Marayika Murinzi ntabwo ari umubyeyi gusa ahubwo ni umujyanama, ni intangarugero ku bana barera naho batuye, iyo turebye amakuru acicikana muri iyi minsi adutera ubwoba ku buryo hari abato batarashaka bashobora kugirango nta muryango muzima ukiriho, ndabamara impungenge ko imiryango myiza ikiriho kandi myinshi, ba Marayika Murinzi ni ikimenyetso cy'uko imiryango igihari".    

Ubusanzwe mu Rwanda habarirwa ba Marayika Murinzi 3236, bari mubyiciro bine birimo; Abakura abana mu bigo by'imfubyi, abakira abana bavuka ku babyeyi babyara abana bakabata, abana bavukana ubumuga, abana bo mu muhanda baba baragiyemo kubera amakimbirane yo mu miryango, bifuza kuba mu muryango ariko atari uwo avukamo.

Inkuru ya Vestine Umurerwa Isango Star Muhanga

 

kwamamaza

Abanyarwanda barasabwa kudaca intege ba Marayika Murinzi

Abanyarwanda barasabwa kudaca intege ba Marayika Murinzi

 May 31, 2024 - 18:18

Kuri uyu wa gatanu muri Stade ya Muhanga habereye igikorwa cyo kwizihiza umunsi wa Marayika Murinzi, ba Marayika Murinzi bakaba bishimira uruhare rwabo mu kurera abana badafite imiryango.

kwamamaza

Ubwo hizihizwaga umunsi wa Marayika Murinzi ku nshuro ya mbere mu Rwanda, bamwe muri aba babyeyi bavuze ko barera abana kubera urukundo nubwo hari ababaca intege.

Umwe ati "umubyeyi udafite umutima w'urukundi ntabwo yabasha kubarera, Abamarayika barinzi aba ari ababyeyi baba bafite umutima w'urukundo bafite kwihangana, utihanganye ntabwo wabasha kurera abo bana".  

Mu kwaka wa 2012 nibwo hashyizweho ingamba zo kwita ku bana hagamijwe kubaha amahirwe yo kuba no kurererwa mu muryango, cyane cyane abana barererwaga mu bigo by'imfubyi, kuko hari imfubyi nyinshi bitewe n'impamvu zitandukanye nkuko bivugwa na Madam Ingabire Assumpta umuyobozi mukuru w'ikigo cy'igihugu gishinzwe imikurire no kurengera umwana NCDA.

Ati "icyo gihe igihugu cyari cyugarijwe n'abana benshi b'imfubyi za Jenoside yakorewe Abatutsi, abana bimfubyi za SIDA ndetse n'abana bagiye batatana n'imiryango yabo kuko icyo gihe twari dufite ibigo by'imfubyi 33 birimo abana nk'ibihumbi bine, hatangiye ubukangurambaga bwitwaga 'Wite ku mwana wese nk'uwawe' niho havuye iri izina ryiza ryahawe aba babyeyi izina rya Marayika Murinzi". 

Minisitiri w'uburinganire n'iterambere ry'umuryango Dr. Valentine Uwamariya yasabye abantu kudaca intege ba Marayika Murinzi kuko bafitiye akamaro umuryango nyarwanda, yasabye kandi urubyiruko rukiri ruto kutishyiramo yuko imiryango yose yaba ibanye nabi.

Ati "Marayika Murinzi ntabwo ari umubyeyi gusa ahubwo ni umujyanama, ni intangarugero ku bana barera naho batuye, iyo turebye amakuru acicikana muri iyi minsi adutera ubwoba ku buryo hari abato batarashaka bashobora kugirango nta muryango muzima ukiriho, ndabamara impungenge ko imiryango myiza ikiriho kandi myinshi, ba Marayika Murinzi ni ikimenyetso cy'uko imiryango igihari".    

Ubusanzwe mu Rwanda habarirwa ba Marayika Murinzi 3236, bari mubyiciro bine birimo; Abakura abana mu bigo by'imfubyi, abakira abana bavuka ku babyeyi babyara abana bakabata, abana bavukana ubumuga, abana bo mu muhanda baba baragiyemo kubera amakimbirane yo mu miryango, bifuza kuba mu muryango ariko atari uwo avukamo.

Inkuru ya Vestine Umurerwa Isango Star Muhanga

kwamamaza