Kiny
Eng
Fr
Joan Laporta Yongeye Gutorerwa Kuyobora FC Barcelona atsinze victor Font
SHUMBUSHO Darius
Mar 16, 2026 - 07:48
Joan Laporta Yongeye Gutorerwa Kuyobora FC Barcelona Mu myaka itanu (5) iri mbere kugeza muri 2032, ni nyuma yo gutsinda victor font bari bahanganiye uyu mwanya wo kuba perezida w'iyikipe
kwamamaza
Ni mu matora yabaye ku mugoroba wo kuri iki Cyumweru cya tariki ya 15 Werurwe 2026 muri FC Barcelona, Joan Laporta yongeye kwegukana umwanya w’ubuyobozi w’iyi kipe nka perezida wayo, aho azayiyobora mu myaka itanu iri imbere, kugeza mu 2032.
Laporta yatsinze mu matora yari ahanganye na Victor Font, abona amajwi 68.18% ku bantu 32,934 bamutoye, mu gihe Victor Font yegukanye 29.78% ku bantu 14,385 bamushyigikiye. Ubu butumwa bwa Perezida bushimangira icyizere cy’abafana n’abanyamuryango ba Barça ku buyobozi bwa Laporta.
Mu butumwa bwe bwo kwakira intsinzi, Laporta yashimiye abanyamuryango bose bamushyigikiye, asaba buri wese gukomeza gushyira hamwe mu rugendo rwo gukomeza guteza imbere ikipe.
Ubu ni ubwa kabiri Laporta agaruka ku buyobozi bwa FC Barcelona, aho yizeye kuzahuriza hamwe imbaraga z’abakinnyi, abatoza n’abafana mu guharanira ibikombe bikomeye no kongera ishema ry’iyi kipe mu ruhando mpuzamahanga.
Bamwe mu bafana bagaragaje ibyishimo bikomeye, Abatoza n’abanyamabanga b’ikipe nabo bishimiye intsinzi ye. Xavier Hernández, umwe mu batoza b’inkingi muri Barça, yavuze ko “ubuyobozi bwa Laporta buzafasha gushyira gahunda nziza ku bakinnyi, no gukomeza guteza imbere gahunda y’abakiri bato muri fc Barcelona.
kwamamaza