Intara ya Kagera yatangije urugendo rwo gutsura umubano n’intara y’Iburasirazuba.

Itsinda ry'Abayobozi baturutse mu Ntara ya Kagera yo mu gihugu cya Tanzania batangiye uruzinduko rw'iminsi ine mu Ntara y'Iburasirazuba hagamijwe gutsura umubano hagati y'izi Ntara zombi.

kwamamaza

 

Iri tsinda ry'aba bayobozi baturutse mu gihugu cya Tanzania riyobowe n'umuyobozi w'Intara ya Kagera, Hon. Fatma Abubakari Mwassa ari kumwe n'abandi bayobozi mu nzego z'ibanze, inzego z'umutekano ndetse n'abahagarariye abikorera ryageze mu Rwanda ku wa kabiri , ku ya 12 Nzeri 2023.

CG Emmanuel Gasana; Umuyobozi w'intara y'Iburasirazuba, avuga ko hari inyungu biteze kuri uru ruzinduko rw'abayobozi b'intara ya Kagera, aho baje gusura iyi ntara nyuma yaho ab’Intara y’Iburasirazuba bakoreye uruzinduko muri Tanzania.

CG Gasana yagize ati: “mu kwezi kwa kabiri badutumyeho tujya iwabo kubasura, hari ibyo twaganiriye icyo gihe birimo kwihutisha imibanire, guhahirana, umutekano, gusangira amakuru, ndetse n’ibikorwa by’ubucuruzi byambukiranya umupaka.”

“ muri iyi nama, tugiye kubereka ibyo dufite. Dufite ubuhinzi, ubukerarugendo, ubucuruzi, ibyanya by’inganda…. Biragaragara ko bari bifuje nkuko bari badusabye kugira ngo barebe amahirwe ari mu Rwanda. Bazanye n’abantu babo: abacuruzi kugira ngo barebe, bajye kujya inama kubyabafasha nabo mu iterambere ryabo.”

Avuga ko mu biganiro byo kur’iyi nshuro, uretse gusuzuma imyanzuro, hazabaho no kureba amahirwe n’inyungu abaturage babo babona mu Rwanda.

Ati: “ icyo tubitezeho ni ugusuzuma imyanzuro n’ubundi ariko nanone bagire ibyo biga nkuko natwe twagiyeyo tukabyiga, byadufasha kugira ngo abaturage bacu batere imbere.”

Uretse ibiganiro abayobozi b'intara zombi bazagirana bigamije kurushaho kunoza ubuhahirane, imikoranire no kubungabunga umutekano, biteganyijwe ko bazanasura imishinga y'iterambere irimo icyanya cyuhirwa rya Nasho kiri mu karere ka Kirehe ndetse n’Umushinga wa "Gabiro Agribusiness Hub" wo kuhira imyaka uherereye mu karere ka Nyagatare.

Abikorera bo mu ntara y'Iburasirazuba nabo bazakorana ibiganiro bigamije kunoza imikoranire hagati yabo n'ab'intara ya Kagera ndetse no guteza imbere ishoramari.

@ Djamali Habarurema/Isango Star-Iburasirazuba.

 

kwamamaza

Intara ya Kagera yatangije urugendo rwo gutsura umubano n’intara y’Iburasirazuba.

 Sep 13, 2023 - 18:58

Itsinda ry'Abayobozi baturutse mu Ntara ya Kagera yo mu gihugu cya Tanzania batangiye uruzinduko rw'iminsi ine mu Ntara y'Iburasirazuba hagamijwe gutsura umubano hagati y'izi Ntara zombi.

kwamamaza

Iri tsinda ry'aba bayobozi baturutse mu gihugu cya Tanzania riyobowe n'umuyobozi w'Intara ya Kagera, Hon. Fatma Abubakari Mwassa ari kumwe n'abandi bayobozi mu nzego z'ibanze, inzego z'umutekano ndetse n'abahagarariye abikorera ryageze mu Rwanda ku wa kabiri , ku ya 12 Nzeri 2023.

CG Emmanuel Gasana; Umuyobozi w'intara y'Iburasirazuba, avuga ko hari inyungu biteze kuri uru ruzinduko rw'abayobozi b'intara ya Kagera, aho baje gusura iyi ntara nyuma yaho ab’Intara y’Iburasirazuba bakoreye uruzinduko muri Tanzania.

CG Gasana yagize ati: “mu kwezi kwa kabiri badutumyeho tujya iwabo kubasura, hari ibyo twaganiriye icyo gihe birimo kwihutisha imibanire, guhahirana, umutekano, gusangira amakuru, ndetse n’ibikorwa by’ubucuruzi byambukiranya umupaka.”

“ muri iyi nama, tugiye kubereka ibyo dufite. Dufite ubuhinzi, ubukerarugendo, ubucuruzi, ibyanya by’inganda…. Biragaragara ko bari bifuje nkuko bari badusabye kugira ngo barebe amahirwe ari mu Rwanda. Bazanye n’abantu babo: abacuruzi kugira ngo barebe, bajye kujya inama kubyabafasha nabo mu iterambere ryabo.”

Avuga ko mu biganiro byo kur’iyi nshuro, uretse gusuzuma imyanzuro, hazabaho no kureba amahirwe n’inyungu abaturage babo babona mu Rwanda.

Ati: “ icyo tubitezeho ni ugusuzuma imyanzuro n’ubundi ariko nanone bagire ibyo biga nkuko natwe twagiyeyo tukabyiga, byadufasha kugira ngo abaturage bacu batere imbere.”

Uretse ibiganiro abayobozi b'intara zombi bazagirana bigamije kurushaho kunoza ubuhahirane, imikoranire no kubungabunga umutekano, biteganyijwe ko bazanasura imishinga y'iterambere irimo icyanya cyuhirwa rya Nasho kiri mu karere ka Kirehe ndetse n’Umushinga wa "Gabiro Agribusiness Hub" wo kuhira imyaka uherereye mu karere ka Nyagatare.

Abikorera bo mu ntara y'Iburasirazuba nabo bazakorana ibiganiro bigamije kunoza imikoranire hagati yabo n'ab'intara ya Kagera ndetse no guteza imbere ishoramari.

@ Djamali Habarurema/Isango Star-Iburasirazuba.

kwamamaza