Kiny
Eng
Fr
Hasinywe amasezerano azafasha urwego rw'ubutabera gukemura imanza zigoranye ( amafoto)
Uwajeneza Donatha
Sep 5, 2025 - 07:42
Minisiteri y’Ubutabera (MINIJUST) yakiriye umuhango wo gusinya amasezerano y’ubufatanye mu bya tekiniki hagati ya RFI Rwanda na DNA Service Center Co.,Ltd., yo muri Hong Kong, mu Bushinwa. Aya masezerano yitezweho guha u Rwanda uburyo bushya bwo gukoresha ikoranabuhanga rigezweho rya Next-Generation Sequencing system rigiye kuzana impinduka mu rwego rw'ubutabera mu Rwanda.
kwamamaza
Iri koranabuhanga rishya rya Next-Generation Sequencing (NGS) rizafasha inzego z'ubutabera gukoresha uburyo bugezweho bwo gusesengura ADN mu gukemura imanza zigoranye, rizongerera imbaraga gahunda zo kurinda abana ndetse no kumenya ibiranga abantu. Ibi byose byitezweho gutuma u Rwanda ruba igicumbi cy’ubumenyi bwa gihanga (forensics) mu karere.
Umuhango wo gusinya aya masezerano wayobowe na Minisitiri w’Ubutabera, Hon. Dr. Emmanuel Ugirashebuja, ndetse na Ambasaderi w’u Bushinwa mu Rwanda, H.E. Gao Wenqi.
Dr. Ugirashebuja yashimangiye ko aya masezerano ari urufatiro rukomeye mu guhindura uburyo ubutabera bukoramo.
Minisitiri w'ubutabera, Hon. Dr. Emmanuel Ugirashebuja, yagize ati:" Ni intambwe ikomeye ku Rwanda ku kongera ubushobozi mu by’ubumenyi bwa gihanga, guteza imbere ubutabera no kurinda abaturage bacu. Hamwe n’u Bushinwa, dushyizeho urufatiro ruzatuma u Rwanda ruba igicumbi cy’icyitegererezo mu karere mu rwego rw’ubumenyi.”
Iri koranabuhanga rishya rtitezweho guhindura isura y’ubutabera mu Rwanda, kuko rizagabanya imbogamizi zagaragaraga mu manza zisaba ubushakashatsi bwimbitse, rimwe na rimwe byashoboraga kuba impamvu habura ibimenyetso.
kwamamaza