Kiny
Eng
Fr
AFC/M23 yavuye i Katondi, yigarurira ibindi bice byo muri Lubero
Uwajeneza Donatha
Apr 2, 2026 - 19:49
AFC/M23 yavuye mu gace k'ingenzi ka Katondi muri Lubero (Kivu y’Amajyaruguru) ku wa 1 Mata (04) 2026 zari zimazemo umwaka itarwanye, mu gihe yahise yongera kwigarurira agaceka Kalonge na Lubango nyuma yo kurwana n'abarwanyi ba Wazalendo.
kwamamaza
Inyeshyamba za AFC/M23 zavuye mu gace ka Katondi zari zimazemo igihe kirenga umwaka, kari ku ntera ya kilometero 18 uvuye i Lubero-Centre. Aka gace kari ak'ingenzi mu rugendo rwazo rwo kwegera umujyi wa Lubero, ndetse kari hafi y’agace kagenzurwa n’ingabo za Uganda (UPDF).
Amakuru aturuka mu baturage n’inzego z’umutekano avuga ko AFC/M23 yavuye muri Katondi nta mirwano ibayeho n'abandi barwanyi abo ari bo bose, yitwaye ibikoresho byazo bya gisirikare byose.
Nubwo byafashwe nko gusubira inyuma, AFC/M23 yahise yongera kwigarurira ibice bya Kalonge na Lubango, iri nko kuri kilometero 30 uvuye i Lubero-Centre. Ibi bice byafashwe nyuma y’imirwano n’imitwe ya Wazalendo.
Ku rundi ruhande, abarwanyi ba Wazalendo bagaragaye mu bindi bice birimo Kipese, Kamandi Gite, Kikuvo, Lunyasenge na Kirikiri, aho AFC/M23 yari yavuye mu minsi ishize.
kwamamaza