Abarimu bigisha muri TTC bishimiye inyigisho bahawe na USAID Tunoze Gusoma.

Abarimu bigisha muri TTC bishimiye inyigisho bahawe na USAID Tunoze Gusoma.

Mu rwego rwo gukomeza guteza imbere uburezi bw’ibanze ku bana bo mu mashuri abanza biga gusoma no kwandika neza ururimi rw’ikinyarwanda, ikigo cy’igihugu gishinzwe uburezi bw’ibanze REB ku bufatanye n’umushinga USAID Tunoze Gusoma, bateguye amasomo agamije gufasha abarimu bigisha mu bigo nderabarezi TTC.

kwamamaza

 

Aya masomo yahawe abarimu bigisha mu bigo nderabarezi TTC yateguwe kandi atangwa na kaminuza yo muri Amerika Florida State University binyuze mu mushinga USAID Tunoze Gusoma.

Vincent Mutembeya Mugisha umuyobozi w’umushinga USAID Tunoze Gusoma ngo babanje gukora inyigo basanga abarimu barakigisha mu buryo butajyanye n’igihe, bituma bahitamo kubaha amasomo yatuma babasha kwigisha ku rwego mpuzamahanga.

Ati "mbere y’uko dutangira aya masomo y’inyigisho nkarishyabumenyi twakoze inyigo kugirango turebe uburyo abarimu bigisha amasomo y’ibanze mu gusoma no kwandika, noneho dutangira uburyo bushya bwo kuba twabafasha gukora mu buryo butandukanye bwabasha gufasha abanyeshuri, kuko twasanze abenshi mu barimu bakoreshaga imyigishirize itajyanye n’igihe, urugero gusoma igitabo gusa utagaragajemo uruhare rw’abana kugirango basome hamwe na mwarimu, badatanga umwanya ngo binjizemo abanyehuri bafite ubushobozi butandukanye kugirano bigire hamwe".

"Iyi gahunda turimo gushyira mu bikorwa rero yafashije abarimu kumenya uburyo bwo kwigisha nyako n’uburyo mpuzamahanga bwo kwigisha buha n’uruhare abana ku kigero cyabo ku buryo abana babasha gusoma bitewe n’ubumenyi bafite".

Bamwe mu barimu 42 bahawe inyemezabushobozi bavuze ko izi nyigisho zabafashije ku buryo hari ibyo bigiyemo basigaye bakoresha mu kazi kabo bifasha abanyeshuri.

Mugenzi Ntawukuriryayo Leo, umuyobozi w’ishami rishinzwe iterambere n’imicungire y’abarimu mu kigo cy’igihugu gishinzwe uburezi bw’ibanze REB, yishimira uyu mushinga kuko ugenda ufasha kwigisha abarimu bigisha mu mashuri nderabarezi.

Ati "mu buryo bwo kunoza imyigishirize n'imyigire y'ikinyarwanda abantu benshi ntabwo bazi agaciro kaba karimo kandi ururimi gakondo, uririmi rwacu iyo turwize neza tukaruvuga neza bidufasha kumenya n'andi masomo menshi, iyi gahunda ifasha abarimu bacu bigisha mu mashuri nderabarezi".   

Izi nyigisho nkarishyabumenyi ku bushobozi bwo kwigisha gusoma no kwandika mu mashuri y’icyiciro cyambere cy’amashuri abanza yatangiye muri Mata 2022 asoza mu Ukuboza 2023, akaba yarafite insanganyamatsiko igira iti “umusingi wo gusoma no kwandika mu cyiciro cya mbere cy’amashuri abanza.”

Inkuru ya Vestine Umurerwa / Isango Star Kigali

 

kwamamaza

Abarimu bigisha muri TTC bishimiye inyigisho bahawe na USAID Tunoze Gusoma.

Abarimu bigisha muri TTC bishimiye inyigisho bahawe na USAID Tunoze Gusoma.

 Feb 12, 2024 - 09:01

Mu rwego rwo gukomeza guteza imbere uburezi bw’ibanze ku bana bo mu mashuri abanza biga gusoma no kwandika neza ururimi rw’ikinyarwanda, ikigo cy’igihugu gishinzwe uburezi bw’ibanze REB ku bufatanye n’umushinga USAID Tunoze Gusoma, bateguye amasomo agamije gufasha abarimu bigisha mu bigo nderabarezi TTC.

kwamamaza

Aya masomo yahawe abarimu bigisha mu bigo nderabarezi TTC yateguwe kandi atangwa na kaminuza yo muri Amerika Florida State University binyuze mu mushinga USAID Tunoze Gusoma.

Vincent Mutembeya Mugisha umuyobozi w’umushinga USAID Tunoze Gusoma ngo babanje gukora inyigo basanga abarimu barakigisha mu buryo butajyanye n’igihe, bituma bahitamo kubaha amasomo yatuma babasha kwigisha ku rwego mpuzamahanga.

Ati "mbere y’uko dutangira aya masomo y’inyigisho nkarishyabumenyi twakoze inyigo kugirango turebe uburyo abarimu bigisha amasomo y’ibanze mu gusoma no kwandika, noneho dutangira uburyo bushya bwo kuba twabafasha gukora mu buryo butandukanye bwabasha gufasha abanyeshuri, kuko twasanze abenshi mu barimu bakoreshaga imyigishirize itajyanye n’igihe, urugero gusoma igitabo gusa utagaragajemo uruhare rw’abana kugirango basome hamwe na mwarimu, badatanga umwanya ngo binjizemo abanyehuri bafite ubushobozi butandukanye kugirano bigire hamwe".

"Iyi gahunda turimo gushyira mu bikorwa rero yafashije abarimu kumenya uburyo bwo kwigisha nyako n’uburyo mpuzamahanga bwo kwigisha buha n’uruhare abana ku kigero cyabo ku buryo abana babasha gusoma bitewe n’ubumenyi bafite".

Bamwe mu barimu 42 bahawe inyemezabushobozi bavuze ko izi nyigisho zabafashije ku buryo hari ibyo bigiyemo basigaye bakoresha mu kazi kabo bifasha abanyeshuri.

Mugenzi Ntawukuriryayo Leo, umuyobozi w’ishami rishinzwe iterambere n’imicungire y’abarimu mu kigo cy’igihugu gishinzwe uburezi bw’ibanze REB, yishimira uyu mushinga kuko ugenda ufasha kwigisha abarimu bigisha mu mashuri nderabarezi.

Ati "mu buryo bwo kunoza imyigishirize n'imyigire y'ikinyarwanda abantu benshi ntabwo bazi agaciro kaba karimo kandi ururimi gakondo, uririmi rwacu iyo turwize neza tukaruvuga neza bidufasha kumenya n'andi masomo menshi, iyi gahunda ifasha abarimu bacu bigisha mu mashuri nderabarezi".   

Izi nyigisho nkarishyabumenyi ku bushobozi bwo kwigisha gusoma no kwandika mu mashuri y’icyiciro cyambere cy’amashuri abanza yatangiye muri Mata 2022 asoza mu Ukuboza 2023, akaba yarafite insanganyamatsiko igira iti “umusingi wo gusoma no kwandika mu cyiciro cya mbere cy’amashuri abanza.”

Inkuru ya Vestine Umurerwa / Isango Star Kigali

kwamamaza