Kiny
Eng
Fr
Ese kuki Trump atazamuye imisoro ku bicuruzwa biva mu Burusiya?
Uwajeneza Donatha
Apr 3, 2025 - 12:58
Uburusiya ntibwagaragaye ku rutonde rw'ibihugu Perezida Trump yazamuriye umusoro w'ibicuruzwa, nubwo bufite ibihano bya Amerika. Karoline Leavitt, ushinzwe itangazamakuru muri White House, yatangaje ko byatewe nuko ubucuruzi bwabwo n'Amerika bwagabanyutse cyane kubera ibihano byafashwe nyuma y'uko Uburusiya bugabye igitero kuri Ukraine muri Gashyantare (02), 2022.
kwamamaza
Mu 2021, ubucuruzi hagati ya Amerika n'Uburusiya bwari buhagaze kuri miliyari 35$, ariko muri 2024, bwaragabanutse bugera kuri miliyari 3.5$. Ibi bihano byagize ingaruka zikomeye ku ishoramari n'ubucuruzi hagati y'ibi bihugu byombi.
Gusa ibi bigaragaza ko nubwo Uburusiya butari ku rutonde rw'ibihugu Trump yazamuriye umusoro kandi Amerika ikaba yarabufatiye ibihano, ibihugu byombi byakomeje gukorana ubucuruzi bunini n'Amerika kurusha ibihugu byinshi byo muri Afurika, birimo Mauritius yazamuriwe imisoro ikagera kuri 40%.
Kutayizamura, White House yasobanuye ko byatewe nuko ikigero cyabwo cyagabanutse kubera ibihano.
Gusa hari amakuru avuga ko mu biganiro biherutse guhuza Amerika n'Uburusiya ku kibazo cy'intambara yo muri Ukraine, Uburusiya bwagaragaje gushaka kongera kugurana umubano na Amerika mu birimo ubucuruzi, cyane ko n'ibihano bigaragaza ko bitabujije imikoranire mu by’ubukungu hagati y’ibi bihugu.
kwamamaza