Kiny
Eng
Fr
Abanya turikiya bibasiye NIYOMUGABO Claude wavunye bitagambiriwe rutahizamu victor osimhen
Chief Editor
Sep 8, 2025 - 12:45
Ibi bibaye nyuma y’umukino wahuje ikipe y’igihugu y’u Rwanda ndetse n’ikipe y’igihugu ya Nigeria aho muri uyu mukino NIYOMUGABO Claude ukina wugarira mu ikipe y’igihugu Amavubi akaba na Captain wa APR FC, yavunye bitagambiriwe Victor Osimhen, rutahizamu w’ikipe y’igihugu ya Nigeria ndetse na Galatasaray S.K. yo muri Turkey ibyatumye adasoza umukino.
kwamamaza
Ibi byatumye ku mbuga nkoranyambaga, abakunzi ba ruhago bo muri Turikiya by'umwihariko Abafana b’ikipe ya Galatasaray bibasira uyu mukinnyi bagaragaza ko batewe ishavu n’uko uyu mukinnyi ashobora kutazakina umukino Ikipe ye ya Galatasaray izakinamo na Liverpool tariki 30.09.2025.
Umukino umaze kurangira Niyomugabo Claude agaragara mu mashusho ajya gusaba imbabaza Victor Osimhen anamubwira ko yabikoze atabigambiriye.
Muri uyu mukino wabaye tariki ya 6Nzeri 2025, Super Eagles ya Nigeria yatsinze igitego kimwe ku ubusa bw'Amavubi (Nigeria1-0Amavubi).
Ubu abakinnyi b'ikipe y'u Rwanda, Amavubi, bari muri Afrika y'Epfo, aho bageze kuri uyu wa mbere, bagiye gukina na Zimbabwe, kuri uyu wa Kabiri tariki ya 9 Nzeri 2025, mu mukino w'umunsi wa munani mu gushaka itike y'igikombe cy'Isi 2026.
kwamamaza