Kiny
Eng
Fr
RIB yataye muri yombi Umukozi wa Rwanda FDA n’Umushoramari
Uwajeneza Donatha
Nov 17, 2025 - 19:36
Urwego rw’igihugu cy'Ubugenzacyaha (RIB) rwataye muri yombi Nsoneye Emmanuel; umukozi w'ikigo cy'igihugu gishinzwe Ubuziranenge bw’ibiribwa n'imiti mu Rwanda ( Rwanda FDA) n'umushiramari witwa Uwamariya Beatha; nyiri uruganda DUSANGIRE PRODUCTION Ltd, bakekwaho gutanga no kwakira ruswa kugira ngo hashakwe uburenganzira bunyuranyije n’amategeko mu igenzura ry’ubuziranenge. Ni mu gihe Nsoneye akurikiranyweho n’icyaha cyo kumena ibanga ry’akazi.
kwamamaza
RIB ivuga ko Nsoneye Emmanuel, wari ushinzwe igenzura mu Kigo cy’Igihugu gishinzwe Ubuziranenge bw’Ibiribwa n’Imiti (Rwanda FDA), yagiye asaba ndetse akanahabwa ruswa y' amafaranga na Uwamariya Beatha kugira ngo uruganda rwe rukora inzoga ruherereye mu karere ka Bugesera rusonerwe binyuranyije n'amategeko mu igenzura rikorwa n'Ikigo gishinzwe ubuziranenge bw'ibiribwa n'imiti.
Dosiye za Uwamariya Beatha na Nsoneye zamaze gushyikirizwa Ubushinjacyaha, mu gihe Nsoneye afungiye kuri sitasiyo ya RIB ya Nyarugenge naho Uwamariya afungiye kuri sitasiyo ya Nyamata.
RIB yaburiye abakora ibitujuje ubuziranenge, ko bakwiye kubihagarika kuko binyuranyije n'amategeko. Yibukije kandi abakoresha ububasha bahabwa n’itegeko mu nyungu zabo bwite, ko ari kimwe mu bikorwa bihanwa n'amategeko bitihanganirwa na gato.
kwamamaza