Kiny
Eng
Fr
Myugariro w’umunya-Portugal Cancelo (Manchester City) yatijwe Bayern Munich.
Uwajeneza Donatha
Jan 31, 2023 - 13:35
Joao Cancelo, myugariro w’umunyaportugal ukinira inyuma ikipe ya Manchester City yatijwe muri Bayern Munich mugihe cy’amezi atandatu. Cancelo atijwe kugeza shampiyona irangiye ndetse akazaba aribwo iyi kipe izabasha kumugura.
kwamamaza
Kur’uyu wa kabiri, Ibinyamakuru byatangaje ko Myugariro Joao Cancelo yamaze kugera I Munich gukorerwa ibizamini by’uko ubuzima buhagaze. Uyu munyaportugal w’imyaka 28 y’amavuko, atijwe mur’iyi kipe yo mu Budage mugihe cy’amezi atandatu ndetse byemejwe ko shampiyona nirangira azagurwa miliyoni 70 z’amayero.
Joao Cancelo wahoze akinira Juventus na Benfica, Manchester city igiye kumutiza Bayern Munich nyuma y’uko umubano we n’umutoza Pep Guardiola utari umeze neza. Aba bombi bagiye bashwanira mu myitozo ndetse biri mu byatije umutindi kuba yatizwa.
Uretse myugariro Cancelo, AFP ivuga ko mur’uku kwezi kandi, Bayern Munich yanaguze myugariro w’umuholandi Daley Blind w’imyaka 32 kugira ngo irusheho kongera imbaraga inyuma [muri defense] nk’uburyo bwo kuziba icyuho kiri muri ba myugariro cyatewe na Benjamin Pavard utameze neza ndetse n’ikibazo cy’imvune myinshi.
kwamamaza