Kiny
Eng
Fr
Minisitiri Maxime Prévot w'Ububiligi yitabiriye inama ya OIF I Kigali
Uwajeneza Donatha
Nov 20, 2025 - 20:41
Maxime Prévot, Minisitiri w’Intebe wungirije akaba na Minisitiri w'Ububanyi n’Amahanga w'Ububiligi, yatangaje ko igihugu cye gifite ubushake bwo guharanira uburenganzira bw’abagore no guteza imbere uburinganire. Maxime yitabiriye Inama ya 46 y’Abaminisitiri b'umuryango w'ibihugu bikoresha ururimi rw'igifaransa (OIF) iri kubera I Kigali mu Rwanda.
kwamamaza
Minisitiri Prévot yavuze ko Ububiligi ibona uburinganire bw’abagore nk’inkingi y’iterambere ry’imibereho myiza. Yibukije ko “impuruza ya Kigali” yatangijwe mu nama ya OIF, igamije guhuza imbaraga z’ibihugu bigize uyu muryango, kubungabunga ibyagezeho no kwihutisha intambwe mu kugera ku buringanire nyakuri.
Yifashishije urukuta rwe rwa X, Minisitiri Maxime yatangaje ko yahuye na bagenzi bo mu bubanyi n’amahanga bo mu bihugu by’igifaransa ndetse bagiranye ibiganiro byibanze ku gushimangira umubano n’ubufatanye hagati y'Ububiligi n’ibihugu binyamuryango bya OIF.
Minisitiri Maxime Prévot uri Kigali mugihe u Rwanda rwaciye umubano n'igihugu cye ku mpamvu za politiki, yanasuye Urwibutso rwa Jenoside yakorewe Abatutsi 1994 rwa Kigali, yunamira inzirakarengane ziharuhukiye.
Yanasuye muri Camp Kigali, aharuhukiye imibiri y' abasirikare 10 b’Ababiligi n’abaturage 12 bishwe bari mu butumwa bw’amahoro mu gihe cya Jenoside yakorewe Abatutsi 1994.
Minisitiri Prévot yavuze ko Belgium buzakomeza gukora ibishoboka byose kugira ngo ibyabaye bitazongera kuba, haba mu Rwanda cyangwa ahandi ku isi.
kwamamaza