Kiny
Eng
Fr
Manchester city yatwaye igikombe cya Carabao cup itsinze Arsenal
SHUMBUSHO Darius
Mar 23, 2026 - 00:12
Ikipe ya Manchester City yegukanye igikombe cya Carabao Cup ku nshuro ya cyenda mu mateka yayo, nyuma yo gutsinda Arsenal ibitego 2-0 mu mukino wa nyuma wabereye kuri sitade ya Wembley
kwamamaza
Uyu mukino waranzwe no guhangana gukomeye hagati y’amakipe yombi, ariko Manchester City iza kubona intsinzi mu gice cya kabiri cy’umukino. Umukinnyi Nico O'Reilly ni we wabaye intwari y’uyu mukino, atsinda ibitego byombi byahesheje ikipe ye igikombe, Igitego cya mbere cyabonetse ku munota wa 60, mbere y’uko yongera gutsinda icya kabiri ku munota wa 64, ashimangira intsinzi ya Manchester City no guca intege Arsenal yari yagerageje kwihagararaho.
lyi ntsinzi itumye Manchester City ikomeza kwandika amateka, yegukana iki gikombe ku nshuro ya 9, ikaba imwe mu makipe akomeye mu Bwongereza no ku mugabane w’u Burayi muri rusange, Ku ruhande rw’umutoza Pep Guardiola, iyi ni inshuro ya gatanu yegukanye igikombe cya Carabao Cup, bikaba bigaragaza ubunararibonye n’ubushobozi afite mu gutoza no gutwara ibikombe.
Arsenal, nubwo yagerageje kwitwara neza muri uyu mukino, yananiwe kubyaza umusaruro amahirwe yabonye, bituma isoza irushanwa idatwaye igikombe, abakunzi ba Manchester City bishimiye iyi ntsinzi, mu gihe ikipe yabo ikomeje guhatana no mu yandi marushanwa atandukanye, ishaka kongera ibikombe muri uyu mwaka w’imikino.
kwamamaza