Kiny
Eng
Fr
Arsenal yongeye gutsinda Chelsea idatana n'ikarita y'umutuku
SHUMBUSHO Darius
Mar 1, 2026 - 22:16
Ikipe ya Arsenal yongeye kwerekana ko ishaka igikombe cya Shampiyona itsinda Chelsea ibitego 2-1 mu mukino ukomeye wa shampiyona wabereye ku kibuga cyayo Emirates Stadium.
kwamamaza
Ni umukino watangiye ikipe ya Arsenal ishaka gutsinda kare maze bidatinze, yafunguye amazamu ku munota wa 21’ igitego cyatsinzwe na myugariro wayo William Saliba, atsinda igitego cyateye ibyishimo abakunzi b’iyi kipe, Chelsea yaje kugaruka neza mu mukino itsinda igitego cyo kwishyura ku mupira waruturutse muri cornel ku munota wa 45+2’ maze Piero Hincapié yitsinda igitego bituma igice cya mbere amakipe yombi asoza anganya igitego 1-1 .
Mu gice cya kabiri, cyatangiye ikipe ya Chelsea ibona ikarita y'umutuku yahawe Pedro neto asohoka mu kibuga Chelsea, aho wamabaye umutuku wa 7 iyi kipe ibonye muri premier league bitarakorwa nindi kipe, nyuma y'iyi karita Chelsea yakomeje umukino abakinnyi batuzuye, bidatinze ku munota wa 66’ Jurriën Timber yashimangiye intsinzi atsinda igitego cya kabiri cya Arsenal, gihita gica intege Chelsea, umukino urangira arsenal itsinze Chelsea ibitego 2-1.
iyi ntsinzi itumye Arsenal ikomeza kuguma ku mwanya wa mbere ku rutonde rwa shampiyona, irusha amanota atanu mukeba wayo Manchester City, ibintu bikomeza gutuma irushaho kwizera guhatanira igikombe, Si ibyo gusa kandi, kuko uyu mukino ubaye uwa 11 Chelsea idashobora gutsinda Arsenal mu marushanwa yose, ndetse uba n’uwa gatanu wikurikiranya Chelsea idatsindira Arsenal ku kibuga cyayo cya Emirates.
Abakunzi ba Arsenal bakomeje kwishimira intsinzi y’iyi kipe yabo, mu gihe Chelsea ikomeje kugorwa no kubona intsinzi imbere y’umukeba wayo ukomeye.
kwamamaza