Umva Radio

Congo infungwa zirenga 4600 nizo bivugwa ko zatorotse gereza nkuru ya Makala

Yanditswe kuya 19-05-2017 saa 10:25' Print

Imfungwa zirenga 4600 ni zo bivugwa ko zatorotse gereza nkuru ya Makala I Kinshasa muri Congo. Nubwo ubuyobozi buvuga ko imfunga 50 gusa ari zo zatorotse ubwo abantu batazwi bitwaje intwaro bagabaga igitero ku wa gatatu. Inzego z’umutekano zivuga ko hari abantu basaga 10 bishwe muri icyo gitero muri izi mfungwa zatorotse harimo Ne Muanda Nsemi, umuyobozi w’idini ry’inzaduka muri iki gihugu rifite umutwe witwa Bundu Dia Kongo, ndetse n’izindi mfungwa za politike zikurikiranweho ibyaha bikomeye zaratorotse umuvugizi wa Polisi yabwiye Radio Okapi ko izo mfungwa zatorotse ziteje ikibazo, asaba abaturage bazibona kubimenyesha inzego z’umutekano.

Abaturage bo mu bice bitandukanye bafite ubwoba kuko bavuga ko bamwe mu batorotse barimo abagizi ba nabi bo ku rwego rukomeye kandi ngo bashobora gukoresha uburyo bwose bwatuma badatabwa muri yombi. Inzego z’ubuyobozi zishinja abashyigikiye, Ne Muanda Nsemi kuba inyuma y’iki gitero bakavuga ko cyagabwe n’umutwe w’uyu mugabo wa Bundu Dia Kongo. Uyu mugabo Ne Muanda Nsemi yatawe muri yombi muri Werurwe, ndetse ingabo za Leta zamaze ibyumweru bibiri zikambitse ku rugo rwe. Gereza ya Makala muri Muatara 2016 yari ifungiwemo imfungwa 7 400 mu gihe yemerewe kujyamo imfungwa 1 500.

Inkuru ya Claude Ganza MUNYAMAGANA

Ibitekerezo Byatanzwe
NTA GITEKEREZO KIRATANGWA KURI IY'INKURU