Kiny
Eng
Fr
RDC yahagaritse by'agateganyo amasezerano yarifitanye n'ibigo byayihuzaga na Amerika
Uwajeneza Donatha
Apr 8, 2025 - 11:18
Repubulika Iharanira Demokarasi ya Congo (RDC) yafashe icyemezo cyo guhagarika by'agateganyo amasezerano yose yagiranye n’ibigo by’Abanyamerika birimo Earhart Turner LLC byayihuzaga na Leta Zunze Ubumwe za Amerika, mu biganiro birimo kuyihagararira mu nzego zirimo inteko ishingamategeko ya Amerika, mu itangazamakuru ryaho ndetse no gukora ubushakashatsi mu bijyanye n'umutekano wa RDC.
kwamamaza
Amasezerano ya RDC n'iki kigo cy'Abanyamerika Earhart Turner LLC ari mu yahagaritswe yari yarasinywe mu ntangiro za Werurwe (03) 2025 n’umujyanama we wihariye ushinzwe umutekano, hagati ya Leta ya RDC. Yari afite agaciro ka miliyoni 5 z’Amadolari ya Amerika ndetse agomba kumara amezi atandatu.
Ni amasezerano yibandaga ku bikorwa byo guhagararira RDC imbere y’Inteko Ishinga Amategeko ya Amerika, inzego nshingwabikorwa n’ibigo bya Leta, gutanga ubufasha mu itangazamakuru ryaho no mu bikorwa rusange, ndetse no gukora ubushakashatsi ku bibazo by’umutekano wa RD Congo.
Nubwo bitagaragazwa mu buryo bweruye, ibyo bikorwa by’ubuvugizi byari bigamije gukurura ubufasha bwa Amerika mu guhangana n’ibibazo by’umutekano muri RDC yabaye indiri y'imitwe yitwaje intwaro , ariko RD Congo nayo ikabaha amahirwe yo gucukura no gutunganya amabuye y’agaciro itunze.
Icyakora mu itangazo ryashyizwe ahagaragara n'umuvugizi wa Perezida Félix Tshisekedi, Tina Salama, ku ya 7 Mata (04) 2025, rigaragaza ko RDC yahisemo gukomeza ibiganiro bitaziguye n’ubutegetsi bwa Amerika, igihugu ku kindi. Asobanura ko ayo masezerano yahagaritswe ako kanya kugeza igihe hazasohokera amabwiriza mashya.
Uyu mwanzuro wafashwe nyuma y'uruzinduko rw’intumwa za Amerika ziyobowe na Massad Boulos, zasezeranyije ubufatanye bushya na RDC.
Gusa copy z'amasezerano zakwirakwijwe ku mbuga nkoranyamaga n'impuguke mu gukora inkuru zicukumbuye n'iz'intambara, zigaragaza ko nk'aya masezerano amaze hafi ukwezi, yasabaga RDC kubanza kwishyura ziriya miliyoni 5 z’Amadolari ndetse umusaruro wose uvuyemo ukakirwa uko.
Ku rubuga rw'iki kigo gikorera i Washington D.C, rugaragaza ko cyari kugira uruhare mu gihe ubuyobozi bwacyo bwita ko ari ibihe bikomeye RDC yashyizwemo n'u Rwanda.
Nimugihe iki gihugu kitahwemye gushinja u Rwanda gufasha M23, ariko n'u Rwanda ntirwahwemye kubihakana ndetse no kugaragaza icyazana umutekano, by' umwihariko mu burasirazuba bwacyo.
kwamamaza