Kiny
Eng
Fr
Rayon Sports yamaze gutangaza umutoza mushya
Uwajeneza Donatha
May 30, 2025 - 13:51
kwamamaza
Ni mw'itangazo yanyujije ku mbuga-nkoranyambaga zayo, yatangaje ko uwari umutoza wa Mukura victory sports, afhamia Lotfi, ubu yagizwe umutoza mukuru wa Rayon Sports. Ibi byabaye nyuma yo gusozanya na Mukura Victory sports ku mwanya wa gatanu (5) n'amanota 41 ku rutonde rwa shampiyona 2024-2025.
Rayon sports yatangarije abakunzi bayo kandi ko nyuma yo gutangaza uyu mutoza mushya, Umunsi w’Igikundiro wa 2025 uzaba hagati ya tariki ya 26 Nyakanga (07) na tariki ya 9 Kanama(08) 2025. Kuri uyu munsi Rayon Sports ikaba iteganya kuzahura na Yanga SC yo muri Tanzania, bigahurira kuri Stade Amahoro, i Remera.
Uyu mutoza Lotfi yanyuze mu makipe atandukanye nk'umutoza mukuru harimo United Arab Emirates yo muri Leta Zunze Ubumwe z’Abarabu, mu mwaka ushize wa Shampiyona y’u Rwanda yafashije Mukura VS gusoreza ku mwanya wa gatanu, ndetse mu Gikombe cy’Amahoro asoreza ku mwanya wa kane.
Lotfi agiye gutoza ikipe ya Rayon sports nyuma yo gutandukana na Robertinho waharitse adasoje imikino ye ya shampiyona yari yatangiye gutoza. Aho yasimbuwe na Rwaka Claude basozanyije imikino ya shampiyona y'uyu mwaka ndetse banatsindirwa ku mukino wa nyuma w'igikombe cy'amahoro.
Mu marushanwa ikipe ya Rayon sports izitabira umwaka utaha, harimo imikino ya shampiyona 2025-2026, imikino y'igikombe cy'amahoro, ndetse n'imikino mpuzamahanga ya CAF Confederation cup.
@Darius Shumbusho/ Isango Star-Kigali.
kwamamaza