Kiny
Eng
Fr
Abantu 100 nibo baguye mu gitero cya Amerika muri Venezuela, abarimo Maduro barakomereka
Uwajeneza Donatha
Jan 8, 2026 - 14:00
Minisitiri w'umutekano w'imbere mu gihugu muri Venezuela, Diosdado Cabello, yatangaje ko nibura abantu 100 baguye mu gitero cya Amerika cyo guta muri yombi Perezida Nicolás Maduro n’umugore we Cilia Flores. Ni mu gihe abandi benshi barimo Maduro n'umugore we bakomerekeye muri iki gitero cyari kigamije guhindura politiki y’igihugu.
kwamamaza
Ingabo za Leta Zunze Ubumwe za Amerika zagabye igitero i Caracas mu ijoro ryo ku wa 2–3 Mutarama (01) 2026, mu gikorwa cyiswe “Absolute Resolve”.
Mu itangazo kuri televiziyo ya Leta, Minisitiri Cabello yavuze ko igitero cyaranze n'ibikorwa by'iterabwoba n'ibya gisirikare byakorewe muri Caracas, maze abantu nibura 100 barimo abasirikare barapfa naho abandi benshi barakomereka.
Maduro yakomeretse ku kuguru, Cilia we akomeretsa ku mutwe no mu mubiri ariko amakuru avuga ko bombi barimo bongera gukira.
Ifatwa rya Maduro n'umugore we byakomeje kugarukwaho no guteza impaka ku rwego mpuzamahanga, aho ibihugu bimwe byamaganye uburyo byakozwe mu buryo butubahirije amategeko mpuzamahanga, by'umwihariko ku mukuru w'igihugu uba ufite ubudahangarwa.
Mu rwego rwo guha icyubahiro abishwe, ingabo za Venezuela zateguye imihango yo gushyingura abaguye muri iki gitero bivugwa ko cyamaze amasaha atanu, aho imiryango yabo n'abaturage bakomeje kubunamira.
Ibi byatumye muri Venezuela hatangazwa ibihe byo guha kunamira abishwe ku rwego rw’igihugu, mu gihe ibihugu byinshi biri gusuzuma ingaruka za politiki n’umutekano w’akarere.
@Reuters, RFI, Le Monde...
kwamamaza